• ३१ जेष्ठ २०८१, बिहीबार
  •      Thu Jun 13 2024
  •   Unicode
Logo
Latest
★   कुमारीको मनोभावमा आधारित नाटक ‘अग्निच्क्षु’ मञ्चित ★   रूग्ण उद्योग पुनःसञ्चालनका लागि व्यवस्थित अध्ययन गरौँः प्रधानमन्त्री ★   विपद्लाई निमिट्यान्न गर्न सकिँदैन, न्युनिकरणका लागि सबै एक हुनुको विकल्प छैनः अध्यक्ष नेपाल ★   राष्ट्रपति पौडेलसँग महानिर्देशक हुंग्बोको शिष्टाचार भेट ★   जनप्रतिनिधि र पार्टीबीचको सम्बन्ध सुमधुर हुन आवश्यकः उपसभापति खड्का ★   अस्ट्रेलियाको भरमा इंग्ल्याण्ड टोली, अष्ट्रेलियाले उतार्ला कि पछार्ला ? ★   रूग्ण उद्योग पुन:सञ्चालनका लागि व्यवस्थित अध्ययन गरौँ: प्रधानमन्त्री ★   मन्त्रीपरिषद् पुनर्गठन गर्नेबारे मलाई जानकारी छैन, प्रधानमन्त्रीसँग सोधौँला: माधवकुमार नेपाल ★   देश विकास हुनबाट रोक्न काँग्रेसले ‘स्यालहुँइया’ मच्चायो: ओली ★   अस्ट्रेलियाको भरमा इंग्ल्याण्ड टोली, अष्ट्रेलियाले उतार्ला कि पछार्ला ?

आईपीएलः कसरी च्याम्पियन बन्यो केकेआर ?



काठमाडौँ । कोलकाता नाइट राइडर्सले मे २६ मा आफ्नो १० वर्ष लामो उपाधि खडेरीको अन्त्य गर्‍यो । टोलीले चेन्नईमा सनराइजर्स हैदरावादलाई पराजित गर्दै आईपीएल उपाधि जितेको हो ।

कोलकाताले आईपीएल उपाधि जितेको यो तेस्रो पटक हो । यसअघि ्टोलीले २०१२ र २०१४ मा उपाधि जितेको थियो ।

चेन्नईमा भएको फाइनल खेलमा हैदरावादका कप्तान प्याट कमिन्सले टस जितेर पहिले ब्याटिङ गर्ने निर्णय गरेका थिए । टोलीका तुफानी ब्याट्सम्यानहरू चाँडै आउट भएपछि उनको यो निर्णय सही साबित भएन र टोली ११३ रनमा ढलेको थियो । कोलकाताले दुई विकेट गुमाएर खेल सहजै जित्यो ।

कोलकाताले २०१२ र २०१४ मा उपाधि जित्दा गौतम गम्भीर यस टोलीका कप्तान थिए । यस पटक उनी टोलीको मेन्टर बने र टोलीलाई उपाधि दिलाए । गम्भीरको म्यान म्यानेजमेन्ट निकै उत्कृष्ट छ । यही कारणले गर्दा उनी जुनसुकै टोलीमा थिए, उनले धेरैजसो अवसरमा सफलता ल्याए ।

टोली हार्दा पनि गम्भीरले खेलाडीको आत्मविश्वास गुम्न दिएनन् । यही कारणले गर्दा प्रत्येक खेलमा टोली आत्मविश्वासले भरिएको देखियो ।

अक्सनमा अस्ट्रेलियाका बायाँ हाते फास्ट बलर मिचेल स्टार्कलाई कोलकाताले २४.७५ करोड भारु दिएपछि धेरैलाई आश्चर्य लागेको थियो । स्टार्कले पनि आईपीएलमा राम्रो सुरुवात गर्न सकेनन् । टोलीले स्टार्कमा खर्च गरेको पैसा खेर गएको भन्दै उनको आलोचना हुन्थ्यो । तर ठूला खेलहरूमा स्टार्कको बलियो प्रदर्शनले यो सोच गलत थियो भन्ने प्रमाणित गर्‍यो ।

उनले पहिलो क्वालिफायरमा हैदरावादविरुद्ध तीन ठूला विकेट लिएका थिए । यसपछि उनले फाइनल खेलमा पनि हैदरावादलाई कमजोर बनाए । यी दुई खेलको आधारमा स्टार्कले आफूमाथि पैसाको वर्षा गरेर गम्भीरले आफूमाथि देखाएको विश्वासको योग्य रहेको प्रमाणित गरे ।

वेस्ट इन्डिजका मिस्ट्री स्पिनर सुनिल नारायण विश्वकै उत्कृष्ट टी–२० स्पिनर हुन् । तर यो सिजन फेरि सुनिल नारायणको ब्याटको शक्ति सबैले देखे । नारायणले ओपनिङको जिम्मेवारी लिए र धेरै रन बनाए । यो सिजन उनले शतक समेत बनाएका छन् । कोलकाताको जितमा नारायणको ब्याटले बलिङभन्दा बढी योगदान पुर्‍यायो ।

गम्भीर कोलकातामा हुँदा पनि यो टोलीको बल स्पिनर नै थियो । त्यसबेला यो टोलीमा पियुष चावला, नारायण र कुलदीप यादव थिए । अहिले टिममा नारायण, वरुण चक्रवर्ती र सुयश शर्मा जस्ता स्पिनर छन् । टोलीको सफलतामा स्पिनरको योगदान पनि उत्कृष्ट रह्यो ।

श्रेयस अय्यरले आफू राम्रो कप्तान भएको प्रमाणित गरिसकेका छन् । उनको कप्तानीमा दिल्ली क्यापिटल्सले सन् २०२० मा पहिलो पटक फाइनल खेलेको थियो । आफ्नो कप्तानीमा उनले लगातार दिल्लीलाई प्लेअफमा पुर्‍याइरहेका थिए । अय्यरले यहाँ पनि उस्तै शानदार कप्तानी देखाए र कोलकातालाई जित दिलाए ।