एजेन्सी । आईपीएलको यो सिजनमा विराट कोहलीको टोली रोयल च्यालेन्जर्स बैंगलोरको यात्रा प्लेअफ चरणबाट सकिएको छ ।बैंगलोर राजस्थान रोयल्ससँग एलिमिनेटरमा पराजित भएपछि बाहिरिएको थियो । तर यो सिजन विराट कोहलीले ब्याटिङले निकै हल्ला मच्चाएका छन् ।
यो सिजन विराट कोहलीले १५ खेलमा ६१.७५ को औसतमा ७४१ रन बनाएका छन् । ओरेन्ज क्यापको दौडमा विराट कोहली शीर्ष स्थानमा छन् ।
यी तथ्यांकलाई हेर्दा विराट कोहलीले ओरेन्ज क्याप जित्ने लगभग निश्चित छ । यसैबीच विराट कोहलीले आफ्नो नाममा एक कीर्तिमान पनि बनाएका छन् ।
मैदानमा हलचल मच्चाउने विराट कोहलीले अफ द फिल्ड रेकर्डमा आफ्नो जादु देखाएका छन् । विराट इन्स्टाग्राममा ३ करोड ह्यासट्याग पूरा गर्ने पहिलो खेलाडी बनेका छन् । यस मामिलामा स्टार फुटबलर क्रिस्टियानो रोनाल्डो र लियोनल मेसी समेत पछि परेका छन् ।
आजसम्म कुनै पनि खेलाडीले इन्स्टाग्राममा ३ करोड ह्यासट्याग पूरा गर्ने उपलब्धि हासिल गर्न सकेका छैनन् ।
