• ११ असार २०८१, मंगलवार
  •      Tue Jun 25 2024
  •   Unicode
Logo
Latest
★   प्रधानमन्त्रीको आवाजलाई नै नसुनि बजेट पारित भयो: सांसद खतिवडा ★   केदार कार्कीको रिट खारेज, मुख्यमन्त्रीमा हिक्मत कार्कीको निरन्तरता ★   बजेट शतप्रतिशत कार्यान्वयन गर्न सरकारले सामथ्र्य देखाउनुपर्छ: प्रमुख सचेतक बर्तौला ★   टेलिभिजन शोमा गरेको टिप्पणीलाई लिएर स्वस्तिमा र साम्राज्ञीले मागे जसितासँग माफी ★   अस्पताल भर्ना भएपछि पानी सङ्कटको विषयमा जारी भारतिय जलमन्त्रीको भोक हडताल समाप्त ★   आयकर ऐनको दफा ५७ लगानी प्रोत्साहनका लागि संशोधन गरिएको हो: अर्थमन्त्री पुन ★   बलिउड स्टारको पारिश्रमिक लगातार बढेपछि अनिल कपुरले दिए फ्रिमा काम गरेको उदाहरण ★   धनराजको घोषणा: मैले एक रुपैयाँ पनि भ्रष्टाचार गरेको प्रमाण ल्याए राजनीति छोड्छु ★   गगनको टिप्पणी: म जादुगर हो भनेको जस्तो गरी यताउति उफ्रिने काम प्रधानमन्त्रीलाई छोडिदिउँ ★   नेप्से परिसूचक पाँच दशमलव ६० अङ्कले बढ्यो

सन्दीपको भिसा प्रक्रियाका लागि क्यान तातियो, सांसद शाही पनि दौडधुपमा



काठमाडौँ । नेपालस्थित अमेरिकी दूतावासले टी–२० विश्वकपको लागि अमेरिका जाने तयारीमा रहेका क्रिकेटर सन्दीप लामिछानेलाई भिसा दिन अस्वीकार गरेपछि नेपाल क्रिकेट संघ (क्यान)ले विशेष पहल थालेको छ ।

अमेरिकाबाट भिसा नपाए लामिछानेले विश्वकप गुमाउने भन्दै क्यानले सन्दीपको भिसाका लागि प्रधानमन्त्री कार्यालय, गृहमन्त्री र खेलकुदमन्त्रीसँग पहल थालेको हो ।

साथै, क्यानले सन्दीपको भिसा प्रक्रियाका विषयमा अवगत गराउँदै खेलकुद परिषद्मा पत्र पनि पठाएको छ । क्यानको पत्रमा अदालतले सन्दीपको मुद्दामा गरेको फैसला, आइसीसीले सन्दीपलाई विश्वकप खेल्न दिएको अनुमतिपत्र, क्यानले सन्दीपलाई टीममा समावेश गर्न गरेको निर्णयहरु उल्लेख छन् ।

यसैबीच राप्रपाका प्रमुख सचेतक ज्ञान बहादुर शाहीले लामिछानेलाई विश्वकप खेल्न अमेरिका जाने भिसा प्रक्रियाका लागि प्रधानमन्त्री कार्यालयदेखि गृहमन्त्री र खेलकुदमन्त्रीसँग पहल गरिरहेको जनाएका छन् ।

 

लामिछाने, क्यान सचिव पारस खड्का, लामिछानेको वकिल सरोज घिमिरेसहित सांसद शाही बिहान खेलकुदमन्त्री विराजभक्त श्रेष्ठलाई भेट्न पुल्चोकस्थित मन्त्री क्वार्टरमा पुगेका थिए । लामिछानेले विश्वकप खेल्ने बाटो खुल्नेमा शाही आशावादी छन् ।

क्रिकेटर लामिछानेले सामाजिक सञ्जालमार्फत् बुधबार आफूले भिसा नपाएको जानकारी दिएका थिए । उनको पोस्ट पछि समर्थकहरुले सन्दीपले भिसा पाउनुपर्ने भन्दै सामाजिक सञ्जालमा चर्को माग गरेका छन् ।

बलात्कार अभियोग लागेका लामिछानेले हालै उच्च अदालत पाटनबाट सफाइ पाएका छन् ।

टी–२० विश्वकप जुन २ देखि सुरु हुँदैछ । नेपालले पहिलो खेल जुन ४ मा नेदरल्यान्ड्सविरुद्ध खेलेर विश्वकपको सुरुवात गर्दैछ । यस समूह डी मा नेपाल र नेदरल्यान्ड्ससँगै बंगलादेश, श्रीलंका र दक्षिण अफ्रिका रहेका छन् ।