• ३१ जेष्ठ २०८१, बिहीबार
  •      Thu Jun 13 2024
  •   Unicode
Logo
Latest
★   हवाई उडानका लागि उड्डयन मौसम सेवा महत्वपूर्ण छ: मन्त्री बस्नेत ★   कोशी सरकार विरुद्धको रिट हेर्दाहेर्दैमा ★   कुमारीको मनोभावमा आधारित नाटक ‘अग्निच्क्षु’ मञ्चित ★   रूग्ण उद्योग पुनःसञ्चालनका लागि व्यवस्थित अध्ययन गरौँः प्रधानमन्त्री ★   विपद्लाई निमिट्यान्न गर्न सकिँदैन, न्युनिकरणका लागि सबै एक हुनुको विकल्प छैनः अध्यक्ष नेपाल ★   राष्ट्रपति पौडेलसँग महानिर्देशक हुंग्बोको शिष्टाचार भेट ★   जनप्रतिनिधि र पार्टीबीचको सम्बन्ध सुमधुर हुन आवश्यकः उपसभापति खड्का ★   अस्ट्रेलियाको भरमा इंग्ल्याण्ड टोली, अष्ट्रेलियाले उतार्ला कि पछार्ला ? ★   रूग्ण उद्योग पुन:सञ्चालनका लागि व्यवस्थित अध्ययन गरौँ: प्रधानमन्त्री ★   मन्त्रीपरिषद् पुनर्गठन गर्नेबारे मलाई जानकारी छैन, प्रधानमन्त्रीसँग सोधौँला: माधवकुमार नेपाल

आईपीएलः बैंगलोरलाई हराउँदै राजस्थान क्वालिफायर २ मा, फाइनल पुग्न हैदरावादसँग भिड्ने



काठमाडौँ । आईपीएल २०२४ अन्तर्गत राजस्थान रोयल्सले रोयल च्यालेन्जर्स बैंगलोरलाई हराउँदै क्वालिफायर २ मा स्थान बनाएको छ ।

भर्खरै सम्पन्न खेलमा राजस्थानले आरसीबीलाई ४ विकेटले हराउँदै उपाधि यात्रामा अघि बढेको हो । यता, बैंगलोरको भने आईपीएल यात्रा यहीँ समाप्त भएको छ ।

बैंगलोरले दिएको १७३ रनको लक्ष्य राजस्थानले १९ ओभरमा ६ विकेट गुमाएर भेट्टायो । राजस्थानका लागि यशस्वी जैसवालले ४५, रियान परागले ३६, शिमरन हेटमायरले २६, टोम कोहलेर काडमोरले २०, सन्जु सामसनले १७ रन जोड्दा रोभमान पोवेल १६ रनमा अविजित रहे ।

बलिङतर्फ आरसीबीका मोहम्मद सिराजले २, लोकी फर्ग्युसन, कर्ण शर्मा र क्यामरुन ग्रिनले १–१ विकेट लिए ।

त्यसअघि अहमदावादस्थित नरेन्द्र मोदी स्टेडियममा टस हारेर ब्याटिङ गरेको आरसीबीले २० ओभरमा ८ विकेट गुमाएर १७२ रन जोड्यो । उसका लागि रजत पाटिदारले ३४, विराट कोहलीले ३३, महिपाल लोमरोरले ३२, क्यामरुन ग्रिनले २७, फाफ डुप्लेसिसले १७ रन जोडे ।

बलिङतर्फ राजस्थानका आवेश खानले ३, रविचन्द्रन अश्विनले २ तथा युजवेन्द्र चहल, ट्रेन्ट बोल्ट र सन्दीप शर्माले १–१ विकेट लिए ।

अब राजस्थानले क्वालिफायर २ मा सनराइजर्स हैदरावादको सामना गर्नेछ । उक्त खेल शुक्रबार हुनेछ । त्यस खेलको विजेताले फाइनलमा उपाधिका लागि कोलकाता नाइट राइडर्ससँग प्रतिस्पर्धा गर्नेछ । फाइनल खेल आइतबार हुनेछ ।