काठमाडौँ । क्रिकेटर सन्दीप लामिछानेलाई अमेरिकी दूतावासले भिसा दिन अस्वीकार गरेको छ ।
सन्दीपले उच्च अदालतबाट सफाइ पाइसकेका छन् भने उनी टी–२० विश्वकप खेल्न अमेरिका र वेस्ट इन्डिज जाने तयारीमा छन् ।
उनले विश्वकप खेल्न जानका लागि भिसा आवेदन दिएका थिए । तर, दूतावासले उनलाई भिसा दिएन । यसैबीच, भिसा रद्दलगत्तै नेपाल क्रिकेट संघ (क्यान)का सचिव पारस खड्काले सन्दीपलाई लिएर दूतावास गएको स्रोतले बताएको छ ।
विश्वकपमा खेल्न जाने खेलाडीलगायत सबैको भिसा प्रक्रियाका लागि पारसले नै दूतावाससँग समन्वय गरेका थिए ।
