• ३१ जेष्ठ २०८१, बिहीबार
  •      Thu Jun 13 2024
  •   Unicode
Logo
Latest
★   हवाई उडानका लागि उड्डयन मौसम सेवा महत्वपूर्ण छ: मन्त्री बस्नेत ★   कोशी सरकार विरुद्धको रिट हेर्दाहेर्दैमा ★   कुमारीको मनोभावमा आधारित नाटक ‘अग्निच्क्षु’ मञ्चित ★   रूग्ण उद्योग पुनःसञ्चालनका लागि व्यवस्थित अध्ययन गरौँः प्रधानमन्त्री ★   विपद्लाई निमिट्यान्न गर्न सकिँदैन, न्युनिकरणका लागि सबै एक हुनुको विकल्प छैनः अध्यक्ष नेपाल ★   राष्ट्रपति पौडेलसँग महानिर्देशक हुंग्बोको शिष्टाचार भेट ★   जनप्रतिनिधि र पार्टीबीचको सम्बन्ध सुमधुर हुन आवश्यकः उपसभापति खड्का ★   अस्ट्रेलियाको भरमा इंग्ल्याण्ड टोली, अष्ट्रेलियाले उतार्ला कि पछार्ला ? ★   रूग्ण उद्योग पुन:सञ्चालनका लागि व्यवस्थित अध्ययन गरौँ: प्रधानमन्त्री ★   मन्त्रीपरिषद् पुनर्गठन गर्नेबारे मलाई जानकारी छैन, प्रधानमन्त्रीसँग सोधौँला: माधवकुमार नेपाल

के बैंगलोरले लगातार सात खेल जित्न सक्ला ? राजस्थानलाई बटलरको अभाव खड्किनेछ



काठमाडौँ । आईपीएल २०२४ को एलिमिनेटर खेलमा राजस्थान रोयल्सले रोयल च्यालेन्जर्स बैंगलोरको सामना गर्दैछ । यो खेल आज साँझ ७ः४५ बजे अहमदाबादको नरेन्द्र मोदी स्टेडियममा हुनेछ ।

प्लेअफमा नकआउट राउण्डको खेल सुरु भइसकेको छ । राजस्थान र बैंगलोरबीचको खेल पनि नकआउट खेल हो ।

क्वालिफायर १ अन्तर्गत मंगलबार अहमदाबादमा सनराइजर्स हैदरावाद र कोलकाता नाइट राइडर्सबीच खेल भइसकेको छ । जसमा कोलकाताले आठ विकेटको जित निकाल्दै फाइनलमा स्थान बनाइसकेको छ ।

सनराइजर्स र कोलकाताबीचको खेलमा पहिले ब्याटिङ गरेको हैदरावादको टोलीले १५९ रन मात्रै बनाउन सकेको थियो । खेल पछि शीत पर्यो र कोलकाताले एकतर्फी खेलमा जित निकाल्यो । तर, राजस्थान र बैंगलोरबीच कडा प्रतिस्पर्धा हुनसक्छ । एलिमिनेटरपछि क्वालिफायर–२ मे २४ मा र फाइनल २६ मेमा हुनेछ ।

आईपीएलमा हालको फर्मको कुरा गर्दा राजस्थान र बैंगलोर एकअर्काका पूर्ण विपरित छन् । आरसीबीले अन्तिम ६ खेल जितेको छ भने राजस्थानले अन्तिम ६ खेलमध्ये एउटा मात्र जितेको छ। चार खेलमा हार बेहोरेको थियो भने एक खेल अनिर्णित रह्यो ।

यी दुईबीच हालसम्म ३१ खेल भइसकेका छन् । जसमध्ये बैंगलोरले १५ र आरआरले १३ खेल जितेको छ । तीन खेलमा नतिजा आउन सकेन । अहमदाबादको नरेन्द्र मोदी स्टेडियममा पनि दुवै टोली दुई पटक भिडेका छन् । एक खेल राजस्थान र एक खेल बैंगलोरले जितेको छ ।

सन् २०२० देखि बैंगलोरको टोली राजस्थानमाथि दबदबा कायम राख्दै आएको छ । यस अवधिमा आरसीबीले सात खेल जितेको छ भने आरआरले तीन खेल जितेको छ । नकआउट राउण्डमा दुवै टोलीको कीर्तिमानको कुरा गर्दा आरसीबीले ६ खेलमा जित र ९ हार बेहोरेको छ भने राजस्थानले नकआउट चरणमा चार खेल जितेको छ भने पाँचमा हार बेहोरेको छ ।

एलिमिनेटर जस्तो महत्वपूर्ण खेलमा राजस्थानले इङ्ल्यान्ड फर्किएका जोस बटलरलाई गुमाउन सक्छ । योसँगै बैंगलोरको टोलीले विल ज्याकलाई पनि मिस गर्न सक्छ । तर, अन्तिम खेलमा ग्लेन म्याक्सवेलले आफ्नो उत्कृष्ट अलराउन्ड प्रदर्शनका साथ ज्याक्सलाई छाप छोड्न दिएनन् । राजस्थानले लिग राउण्डमा पाँच खेलमा हार बेहोरेको थियो र टोलीले पहिले ब्याटिङ गर्दा ती सबै पाँच खेल गुमाएको थियो ।