• ३१ जेष्ठ २०८१, बिहीबार
  •      Thu Jun 13 2024
  •   Unicode
Logo
Latest
★   हवाई उडानका लागि उड्डयन मौसम सेवा महत्वपूर्ण छ: मन्त्री बस्नेत ★   कोशी सरकार विरुद्धको रिट हेर्दाहेर्दैमा ★   कुमारीको मनोभावमा आधारित नाटक ‘अग्निच्क्षु’ मञ्चित ★   रूग्ण उद्योग पुनःसञ्चालनका लागि व्यवस्थित अध्ययन गरौँः प्रधानमन्त्री ★   विपद्लाई निमिट्यान्न गर्न सकिँदैन, न्युनिकरणका लागि सबै एक हुनुको विकल्प छैनः अध्यक्ष नेपाल ★   राष्ट्रपति पौडेलसँग महानिर्देशक हुंग्बोको शिष्टाचार भेट ★   जनप्रतिनिधि र पार्टीबीचको सम्बन्ध सुमधुर हुन आवश्यकः उपसभापति खड्का ★   अस्ट्रेलियाको भरमा इंग्ल्याण्ड टोली, अष्ट्रेलियाले उतार्ला कि पछार्ला ? ★   रूग्ण उद्योग पुन:सञ्चालनका लागि व्यवस्थित अध्ययन गरौँ: प्रधानमन्त्री ★   मन्त्रीपरिषद् पुनर्गठन गर्नेबारे मलाई जानकारी छैन, प्रधानमन्त्रीसँग सोधौँला: माधवकुमार नेपाल

केकेआरले रच्यो इतिहास, अब तेस्रो उपाधिको पर्खाइमा



एजेन्सी । कोलकाता नाइट राइडर्सले आईपीएल २०२४ को पहिलो स्थानमा रहेर लिग चरणको अन्त्य गरेको छ । टोलीले आईपीएल इतिहासमा पहिलो पटक यस्तो गरेको हो ।

केकेआर यसअघि प्लेअफमा पुगे पनि पहिलो नम्बरमा भने पुग्न सकेको थिएन । श्रेयस अय्यरको कप्तानीमा रहेको कोलकाताले बलियो खेल प्रदर्शन गर्दै आफ्नो दबदबा कायम राखेको छ । अब यो टोली तेस्रो आईपीएल उपाधिको प्रतिक्षामा छ ।

कोलकाताले सन् २०१२ र २०१४ मा आईपीएल जितेको थियो । गौतम गम्भीरको कप्तानीमा यो टोलीले दुवै उपाधि जितेको थियो । गम्भीर यसपटक फेरि टोलीसँग जोडिएका छन् । उनी मेन्टरका रूपमा टोलीसँग छन् र उनको आगमनसँगै यो टोली फेरिएको छ । अब कोलकाताले तेस्रो उपाधि जित्छ कि जित्दैन त्यो हेर्न बाँकी छ ।

प्लेअफमा कोलकाताको प्रदर्शन
२०११ – यो वर्ष यो टोली पहिलो पटक प्लेअफमा पुग्यो । यो वर्ष गम्भीरले टोलीको कप्तानी सम्हालेका थिए । तर केकेआर एलिमिनेटरमा मुम्बई इन्डियन्ससँग पराजित भयो । मुम्बईले कोलकातालाई चार विकेटले पराजित गरेको थियो ।

२०१२ – यो वर्ष कोलकाताको टोली लिग चरणमा दोस्रो स्थानमा रहँदै अन्त्य भएको थियो । कोलकाताले पहिलो क्वालिफायरमा दिल्लीको सामना गरेको थियो । कोलकाताले उक्त खेल १८ रनले जितेर सिधै फाइनलमा प्रवेश गरेको थियो । फाइनलमा टोलीले दुई पटकको च्याम्पियन चेन्नई सुपर किंग्सलाई पराजित गर्दै पहिलो उपाधि जितेको हो । कोलकाताको जितका नायक मानवेन्द्र बिस्ला थिए ।

२०१४ – उपाधि जितेको अर्को वर्ष अर्थात् २०१३ मा कोलकाताको टोली प्लेअफमा पुग्न सकेन । २०१४ मा, यो टोली फेरि प्लेअफ पुग्यो र यस पटक पनि टोली दोस्रो स्थानमा लिग चरण समाप्त भयो । केकेआरले पहिलो क्वालिफायरमा पञ्जाबलाई हराएर फाइनलको सीधै टिकट पाएको थियो । पञ्जाबले फेरि फाइनलमा कोलकातासँग सामना गर्‍यो र जसमा कोलकाताले पञ्जाबलाई हराउँदै दोस्रो पटक उपाधि जित्यो ।

२०१६ – केकेआर लिग चरणमा चौथो स्थानमा रहँदा उसले एलिमिनेटर खेल खेल्नुपरेको थियो । यो खेलमा केकेआरले सनराइजर्स हैदरावादको सामना गरेको थियो । यस खेलमा कोलकाता २२ रनले पराजित भएको थियो ।

२०१७ – यस वर्षको एलिमिनेटरमा कोलकाताले फेरि हैदरावादको सामना गर्यो । यस पटक पनि यी टोलीहरू एलिमिनेटरमा भिड्दै थिए र यस पटक कोलकाता विजयी भयो । तर क्वालिफायर २ मा कोलकाता मुम्बई इन्डियन्ससँग पराजित भएको थियो ।

२०१८ – कोलकाता यस वर्ष पुनः प्लेअफमा छनोट भयो र एलिमिनेटर खेल खेल्यो । यस खेलमा टोलीले राजस्थान रोयल्सको सामना गर्यो । कोलकाताले राजस्थानलाई २५ रनले पराजित गरेको थियो । तर यसपटक दोस्रो क्वालिफायरमा यो टोली हैदरावादसँग पराजित भएको थियो ।

२०२१ – इयोन मोर्गनको कप्तानीमा रहेको कोलकाता यस वर्ष राम्रो रन रेटका कारण प्लेअफमा पुगेको थियो । केकेआरले एलिमिनेटरमा आरसीबीलाई हराएको थियो । दोस्रो क्वालिफायरमा उसले दिल्ली क्यापिटल्सको सामना गर्यो । कोलकाताले दिल्लीलाई तीन विकेटले पराजित गरेको थियो । केकेआरले फेरि फाइनलमा चेन्नईसँग सामना गर्‍यो र एमएस धोनीको कप्तानीमा चेन्नईले २०१२ को पराजयको बदला लिएर उपाधि जित्यो ।