एजेन्सी । आईपीएल २०२४ को सिजनपछि अमेरिका र वेस्ट इन्डिजमा टी–२० विश्वकप आयोजना हुनेछ । यस विश्वव्यापी प्रतियोगिताका लागि नेपाललगायत धेरै देशले आफ्नो टोली घोषणा गरिसकेका छन् ।
अष्ट्रेलियाले पनि जुन २ बाट हुने टी–२० विश्वकपका लागि टोली घोषणा गरेको छ । अस्ट्रेलियाका ब्याट्सम्यान जेक फ्रेजर म्याकगर्कले आईपीएल २०२४ को सिजनमा बलियो प्रदर्शन गरेका छन् ।
दिल्ली क्यापिटल्सबाट खेल्दा उनले उत्कृष्ट ब्याटिङ गरे तर अष्ट्रेलियाले उनलाई १५ सदस्यीय खेलाडीमा स्थान दिएन ।
क्रिकेट अष्ट्रेलियाले म्याकगुर्कलाई रिजर्भ खेलाडीको रुपमा टिममा समावेश गर्न सक्ने अनुमान गरिएको छ । म्याकगुर्क बाहेक म्याथ्यु शर्ट पनि रिजर्भ खेलाडी हुनेछन् । यसैबीच क्रिकेट अष्ट्रेलियाले म्याकगर्कलाई रिजर्भ खेलाडीको रुपमा टिममा समावेश गर्न सक्ने अनुमान गरिएको छ । म्याकगर्क बाहेक म्याथ्यु शर्ट पनि रिजर्भ खेलाडी हुनेछन् ।
टी–२० अन्तर्राष्ट्रिय क्रिकेटमा अझै डेब्यू नगरेका म्याकगर्कले टी–२० विश्वकपको टोलीमा स्थान पाएका छैनन् किनभने अष्ट्रेलियासँग पहिले नै डेभिड वार्नर, ट्राभिस हेड र कप्तान मिचेल मार्स शीर्ष तीन स्थानमा छन् ।
यस्तै, ब्याटिङ अलराउन्डर शर्टले अष्ट्रेलियाका लागि पछिल्लो १४ टी–२० खेलमध्ये नौ खेलेका छन् । उनले यी मध्ये पाँचमा इनिङ्स सुरु गरेका थिए र पछिल्ला दुई सिजनमा बिग ब्यास लिग पनि खेलिसकेका छन् ।
मिडिया रिपोर्टका अनुसार अष्ट्रेलियाका मुख्य चयनकर्ता जर्ज बेलीले विश्वकपमा आफूसँग रिजर्भ लिने सुझाव दिएका थिए तर अहिले उनीहरूले सर्टसँगै म्याकगर्कलाई पनि लिएका छन् । अष्ट्रेलियाको टोली बिहीबार वेस्ट इन्डिज प्रस्थान गर्नेछ । उसले ट्रिनिडाडमा २८ र ३० मेमा नामिबिया र वेस्ट इन्डिजसँग दुई अभ्यास खेल खेल्नुपर्नेछ ।
हेड, क्यामरन ग्रीन, प्याट कमिन्स, मिचेल स्टार्क र ग्लेन म्याक्सवेल आईपीएल प्लेअफ खेलेपछि टोलीमा आउनेछन् । आईसीसीको नियम अनुसार १५ सदस्यीय टोलीमा समावेश भएका खेलाडीले मात्र विश्वकपमा भाग लिन पाउनेछन् ।
अष्ट्रेलियाले आफ्नो पहिलो खेल ओमानसँग जुन ५ मा बार्बाडोसमा खेल्ने छ । समूह बी मा अष्ट्रेलियासँगै इंग्ल्याण्ड, नामिबिया, स्कटल्याण्ड र ओमान परेका छन् ।
टी–२० विश्वकपका लागि अष्ट्रेलियाको टोलीः
टिम डेभिड, ट्राभिस हेड, डेभिड वार्नर, मिचेल मार्श (कप्तान), क्यामरुन ग्रीन, ग्लेन म्याक्सवेल, मार्कस स्टोइनिस, एस्टन अगर, जोस इंग्लिस, म्याथ्यू वेड, प्याट कमिन्स, नाथन एलिस, जोश हेजलवुड, मिचेल स्टार्क, एडम जाम्पा ।
