एजेन्सी । आईपीएल २०२४ मा आज डबल हेडर (एक दिनमा २ खेल) खेलिनेछ। आजको पहिलो खेल सनराइजर्स हैदरावाद र पञ्जाब किंग्सबीच हुनेछ । हैदराबादको घरेलु मैदान राजीव गान्धी अन्तर्राष्ट्रिय क्रिकेट स्टेडियममा हुनलागेको खेल नेपाली समयअनुसार दिउँसोको ३:४५ बजेबाट सुरु हुनेछ ।
दुवै टोली यो सिजन दोस्रो पटक आमनेसामने हुँदैछन् । पछिल्लो खेलमा हैदरावादले पञ्जाबलाई उसैको घरेलु मैदानमा २ रनले पराजित गरेको थियो ।
दिनको दोस्रो खेल राजस्थान रोयल्स र कोलकाता नाइट राइडर्सबीच साँझ ७:४५ बजेदेखि बार्सपारा क्रिकेट स्टेडियम गुवाहाटीमा हुनेछ ।
आज हैदराबादको सिजनको अन्तिम लिग खेल हुनेछ । टोलीले १३ खेलमा ७ जित र ५ हार बेहोरेको छ । टोली अंक तालिकाको तेस्रो स्थानमा छ । हैदराबाद यसअघि नै प्लेअफमा पुगेको छ। यो सिजनमा पन्जाबको आज अन्तिम खेल हुनेछ । टोलीले प्लेअफमा स्थान गुमाईसकेको छ ।
हेड टु हेडमा हैदरावाद अगाडि
आइपिएलमा हैदरावाद र पञ्जाबबीच कुल २२ खेल खेलिएका छन् । जसमा हैदरावादले १५ र पञ्जाबले ७ खेल जितेको छ ।
ट्राभिस हेडको नाममा सबैभन्दा धेरै रन
हैदरावादका तीन ब्याट्सम्यानले ३ सयभन्दा बढी रन बनाएका छन् । जसमा ट्राभिस हेड, हेनरिक क्लासेन र अभिषेक शर्मा पर्छन्। हेड ४ सय ४४ रन बनाएर टिमका सर्वाधिक रन स्कोरर हुन् । बलरमध्ये टी नटराजन र कप्तान प्याट कमिन्सले राम्रो प्रदर्शन गरिरहेका छन् । नटराजन १५ विकेट लिएका छन् ।
पञ्जाबका लागि शशांकको सर्वाधिक रन
पञ्जाबका शशांक सिंह, जोनी बेयरस्टो र प्रभसिमरन सिंह राम्रो लयमा छन् । टोलीका लागि शशांक सिंहले सर्वाधिक ३५२ रन बनाएका छन् । बलिङमा हर्षल पटेलले १३ खेलमा २२ विकेट लिएका छन् ।
पञ्जाबका साम करन र जोनी बेयरस्टो इंग्ल्याण्ड फर्किएका छन् । साम करनको स्थानमा जितेश शर्मालाई कप्तान बनाइएको छ ।
