एजेन्सी । इन्डियन प्रिमियर लिग (आईपीएल) २०२४ को ६७ औं खेलमा आज मुम्बई इन्डियन्सले लखनउ सुपर जाइन्ट्सको सामना गर्दैछ । मुम्बईको घरेलु मैदान वानखेडे स्टेडियममा हुन लागेको खेल नेपाली समयअनुसार बेलुकाको ७:४५ बजेबाट सुरु हुनेछ ।
दुवै टोली आज सिजन दोस्रो पटक आमनेसामने हुँदैछन् । अन्तिम खेलमा लखनउको टोलीले घरेलु मैदानमा ७४ विकेटले जित हात पारेको थियो ।
मुम्बई पहिले नै प्लेअफको दौडबाट बाहिरिसकेको छ । एलएसजीका लागि अझै थोरै आशा बाँकी छ । मुम्बईको १३ खेलमा ४ जित र ९ हारसहित अंक तालिकाको पुछारमा १० औं स्थानमा छ । अर्कोतर्फ लखनउको १३ खेलमा ६ जित र ७ हारबाट १२ अंक छ । टोली तालिकाको सातौं स्थानमा छ ।
हेड टु हेडमा मुम्बईमाथि लखनउ हावी
हालसम्म मुम्बई र लखनउबीच आईपीएलका ५ खेल खेलिएका छन् । जसमध्ये लखनउले ४ खेल जितेको छ भने मुम्बईले
एक मात्र खेल जितेको छ ।
मुम्बईका लागि तिलक वर्मा सर्वाधिक रन स्कोरर
यो सिजन मुम्बईको टोली राम्रो लयमा देखिएन । टिमका लागि सर्वाधिक रन बनाउने खेलाडीको सूचीमा तिलक वर्मा शीर्ष स्थानमा छन् । उनले १३ खेलमा ४१६ रन बनाएका छन् । स्टार फास्ट बलर जसप्रित बुमराह टोलीका सर्वाधिक विकेट लिने खेलाडी हुन् । उनले १३ खेलमा २० विकेट लिएका छन् ।
राहुल लखनउका सर्वाधिक रन स्कोरर
एलएसजीका कप्तान केएल राहुल उत्कृष्ट फर्ममा छैनन् तर ४६५ रन बनाएर टोलीका सर्वाधिक स्कोरर हुन् । नविन उल हकले सर्वाधिक १२ विकेट लिएका छन् ।
मुम्बई इन्डियन्सको सम्भावित प्लेइङ-११:
हार्दिक पाण्डेय (कप्तान), इशान किशन (विकेटकीपर), सूर्यकुमार यादव, तिलक वर्मा, नेहल वढेरा, टिम डेभिड, नामर धीर, जेराल्ड कोएत्जी, पियुष चावला, नुवान थुसारा र जसप्रित बुमराह।
इम्प्याक्ट प्लेयर: रोहित शर्मा।
लखनऊ सुपर जायन्ट्सको सम्भावित प्लेइङ-११:
केएल राहुल (कप्तान र विकेटकीपर), क्विन्टन डी कक, मार्कस स्टोइनिस, क्रुणाल पाण्ड्या, निकोलस पूरन, दीपक हुडा, युधवीर सिंह, अरशद खान, रवि बिश्नोई, नवीन-उल-हक, मोहसिन खान।
इम्प्याक्ट प्लेयर: आयुष बडोनी।
