• ७ जेष्ठ २०८१, सोमबार
  •      Mon May 20 2024
  •   Unicode
Logo
Latest
★   कसैलाई आरोप लगाएको छैन, समाचार सदनमा पढेर सुनाएको हुँ – गृहमन्त्री ★   गेललाई जर्सी उपहार दिँदै कोहलीले भने – काका अर्को सिजन आईपीएलमा फर्किनु ★   कोरियन नागरिकको सहयोगमा विद्यालयमा शौचालय ★   वडाध्यक्षलाई विद्यार्थीको प्रश्न: ‘खेल्ने सामग्री कसले दिन्छ ?’ ★   सुर्खेत बस दुर्घटना: दुईजनाको मृत्यु, २१ घाइते ★   सभामुखलाई धनराजको पत्र: रातो पासपोर्ट उत्खनन गर्ने गृहमन्त्रीमाथि कारबाही होस् ★   काँग्रेसलाई अध्यक्ष श्रेष्ठको प्रश्न: प्रधानमन्त्रीले विश्वासको मत माग्दा नाराबाजी गर्नु अर्थपूर्ण हो ? ★   काँग्रेसले समिति माग गरेको होइन, सरकार माग गरेको हो: प्रमुख सचेतक बर्तौला ★   टी–२० विश्वकपका लागि अष्ट्रेलियाको टोलीमा आउन सक्नेछन् फ्रेजर म्याकगर्क ★   यामी–आदित्यलाई पुत्रलाभ, के राखे छोराको नाम ?

हैदरावादलाई प्ले अफमा पुग्न इलिमिनेट टोली गुजरातको चुनौती



एजेन्सी । इन्डियन प्रिमियर लिग (आईपीएल) २०२४ को ६६ औं खेलमा आज सनराइजर्स हैदरावादले गुजरात टाइटन्सको सामना गर्दैछ । हैदरावादको घरेलु मैदान राजीव गान्धी अन्तर्राष्ट्रिय रंगशालामा हुन लागेको खेल नेपाली समयअनुसार बेलुकाको ७:४५ बजेबाट सुरु हुनेछ । दुवै टोली यो सिजनमा आज दोस्रो पटक आमनेसामने हुँदैछन् । पछिल्लो खेलमा गुजरातले घरेलु मैदानमा ७ विकेटले जित हात पारेको थियो ।

गुजरात पहिले नै प्लेअफको दौडबाट बाहिर छ। हैदरावादको १२ खेलमा ७ जित र ४ हारसहित १४ अंक छ। टोली अंक तालिकाको चौथो स्थानमा छ । अर्कोतर्फ, गुजरात तालिकाको आठौं नम्बरमा छ। टोलीको १३ खेलमा ५ जित र ७ हारबाट ११ अंक छ । टोलीको एक खेल वर्षाका कारण रद्द भएको थियो ।

हेड टु हेडमा गुजरात अगाडि

हैदरावाद र गुजरातबीच हालसम्म आईपीएलमा ४ वटा खेल भइसकेका छन् । जसमध्ये ३ खेल गुजरात र १ खेल हैदरावादले जितेको छ ।

हेडको नाममा सबैभन्दा धेरै रन

यस सिजन हैदरावादका ब्याट्सम्यान राम्रो लयमा छन् । दुई ब्याट्सम्यानले ४०० भन्दा बढी रन बनाएका छन् । जसमा ट्राभिस हेड र अभिषेक शर्मा रहेका छन् । हेड ५३३ रन बनाएर टिमका सर्वाधिक रन स्कोरर हुन् । बलरमध्ये टी नटराजन १५ विकेट लिएका छन् ।

साई सुदर्शन सर्वाधिक रन स्कोरर

यो सिजन जीटी टिमको प्रदर्शन खासै रहेन । साई सुदर्शन र कप्तान शुभमन गिल बाहेक टोलीका कुनै पनि ब्याट्सम्यान राम्रो लयमा छैनन् । टोलीका लागि साई सुदर्शनले सर्वाधिक रन बनाएका छन् । उनले १२ खेलमा ५२७ रन बनाएका छन् । बलिङमा मोहित शर्माले १३ विकेट लिएका छन् ।

सनराइजर्स हैदराबादको सम्भावित प्लेइङ-११:

प्याट कमिन्स (कप्तान), ट्राभिस हेड, नितिश रेड्डी, हेनरिक क्लासेन (विकेटकिपर), अब्दुल समद, शाहबाज अहमद, सनवीर सिंह, भुवनेश्वर कुमार, टी नटराजन, जयदेव उनाडकट, विजयकान्त।

इम्प्याक्ट प्लेयर: अभिषेक शर्मा।

गुजरात टाइटन्सको सम्भावित प्लेइङ-११:

शुभमन गिल (कप्तान), साई सुदर्शन, डेभिड मिलर, शाहरुख खान, म्याथ्यु वेड (विकेटकिपर), राहुल तेवाटिया, राशिद खान, नूर अहमद, उमेश यादव, मोहित शर्मा र कार्तिक त्यागी।

इम्प्याक्ट प्लेयर: सन्दीप वारियर।