काठमाडौँ । त्रिभुवन अन्तर्राष्ट्रिय विमानस्थलबाट कपडाभित्र लेपन गरेर ल्याएको सुन बरामद गरेको छ ।
आइतबार साँझ फ्लाई दुबईको विमानबाट काठमाडौँ आएका भारतीय नागरिकको साथबाट प्रहरीले सुन बरामद गरेको हो ।
विमानस्थल सुरक्षा कार्यालयको टोलीले उनीहरूलाई भन्सार जाँचपास गर्दा अन्डवेयर, हुडी र पाइन्टमा लेपन गरिएको सुन सहित पक्राउ गरेको हो ।
लेपन गरिएको कपडा र सुनको तौल ५ केजी १ सय ग्राम मापन गरिएको विमानस्थल सुरक्षा कार्यालयका एक जना अधिकृतले बताए । कपडा र सुन छुट्याएपछि मात्र यकिन तौल आउने बताईएको छ ।
यसबारे थप अनुसन्धान गरिरहेको छ ।
