एजेन्सी । आईपीएल २०२४ मा आज डबल हेडर खेलिनेछ। आजको पहिलो खेल चेन्नई सुपर किंग्स र राजस्थान रोयल्सबीच हुनेछ । चेन्नईको घरेलु मैदान एमए चिदम्बरम स्टेडियम (चेपौक) मा हुनलागेको खेल नेपाली समय अनुसार दिउँसोको ३:४५ बजेबाट सुरु हुनेछ । दुवै टोली यो सिजन पहिलो पटक आमनेसामने हुँदैछन् ।
आजको दोस्रो खेल रोयल च्यालेन्जर्स बैंग्लोर र दिल्ली क्यापिटल्सबीच बेंग्लोरको एम चिन्नास्वामी स्टेडियममा बेलुका ७:४५ बजे हुनेछ ।
आज चेन्नईको सिजनको १३ औं खेल खेल्दैछ । टोलीले १२ खेलमध्ये ६ जितेको छ भने ६ हारेको छ । टोली अंक तालिकाको चौथो स्थानमा छ । राजस्थानको यो १२औँ खेल हुनेछ । ११ खेलमध्ये ८ जित र ३ खेलमा हार बेहोरेको टोली १६ अंकसहित दोस्रो स्थानमा छ। चेन्नईले आजको खेल जितेर आफ्नो प्लेअफको आशा जीवित राख्नेछ। भने राजस्थानले आजको खेल जिते प्लेअफमा पुग्ने छ।
हेड टु हेड
चेन्नई र राजस्थानबीच आईपीएलमा कुल २८ खेल खेलिएका छन् । जसमा चेन्नईले १५ जितेको छ भने राजस्थानले १३ जितेको छ। योसँगै चेपौक रंगशालामा दुई टोलीबीच ८ खेल खेलिएका छन्, जसमा ६ मा सीएसकेले जितेको छ भने आरआरले २ खेल मात्र जितेको छ।
गायकवाड चेन्नईका सर्वाधिक रन स्कोरर
चेन्नईका कप्तान रुतुराज गायकवाड टोलीका सर्वाधिक रन स्कोरर हुन् । उनले १२ खेलमा ५ सय ४१ रन बनाएका छन् । उनी बाहेक अलराउन्डर शिवम दुबे पनि उत्कृष्ट फर्ममा छन् । टिमका सर्वाधिक विकेट लिने बलरमा तुषार देशपाण्डे छन् ।
राजस्थानका लागि सामसनले सबैभन्दा धेरै रन बनाए
राजस्थानका कप्तान सञ्जु सामसन सर्वाधिक रन स्कोरर हुन् । उनले ११ खेलमा ४ सय ७१ रन बनाएका छन् । जसमा ५ अर्धशतक समावेश छ । टिमका लागि रिष्ट स्पिनर युजभेन्द्र चहलले सर्वाधिक १४ विकेट लिएका छन् ।
चेन्नई सुपर किंग्सको सम्भावित प्लेइङ-११:
रुतुराज गायकवाड (कप्तान), रचिन रविन्द्र, डेरिल मिचेल, मोइन अली, शिवम दुबे, रवीन्द्र जडेजा, एमएस धोनी, मिचेल सान्टनर, शार्दुल ठाकुर, तुषार देशपांडे र सिमरजीत सिंह।
इम्प्याक्ट प्लेयर: अजिंक्य रहाणे।
राजस्थान रोयल्सको सम्भावित प्लेइङ-११:
सञ्जु सैमसन (कप्तान र विकेटकीपर), यशस्वी जैसवाल, रायन पराग, डोनोभान फरेरा, रोभमान पावेल, शुभम दुबे, रविचन्द्रन अश्विन, ट्रेन्ट बोल्ट, आवेश खान, सन्दीप शर्मा र युजवेन्द्र चहल।
इम्प्याक्ट प्लेयर: जोस बटलर।
