• ७ जेष्ठ २०८१, सोमबार
  •      Mon May 20 2024
  •   Unicode
Logo
Latest
★   कसैलाई आरोप लगाएको छैन, समाचार सदनमा पढेर सुनाएको हुँ – गृहमन्त्री ★   गेललाई जर्सी उपहार दिँदै कोहलीले भने – काका अर्को सिजन आईपीएलमा फर्किनु ★   कोरियन नागरिकको सहयोगमा विद्यालयमा शौचालय ★   वडाध्यक्षलाई विद्यार्थीको प्रश्न: ‘खेल्ने सामग्री कसले दिन्छ ?’ ★   सुर्खेत बस दुर्घटना: दुईजनाको मृत्यु, २१ घाइते ★   सभामुखलाई धनराजको पत्र: रातो पासपोर्ट उत्खनन गर्ने गृहमन्त्रीमाथि कारबाही होस् ★   काँग्रेसलाई अध्यक्ष श्रेष्ठको प्रश्न: प्रधानमन्त्रीले विश्वासको मत माग्दा नाराबाजी गर्नु अर्थपूर्ण हो ? ★   काँग्रेसले समिति माग गरेको होइन, सरकार माग गरेको हो: प्रमुख सचेतक बर्तौला ★   टी–२० विश्वकपका लागि अष्ट्रेलियाको टोलीमा आउन सक्नेछन् फ्रेजर म्याकगर्क ★   यामी–आदित्यलाई पुत्रलाभ, के राखे छोराको नाम ?

सुनील नारायणले राखे लाजमर्दो कीर्तिमान



एजेन्सी । कोलकाता नाइट राइडर्सका स्टार ओपनर सुनिल नारायण शनिबार जसप्रित बुमराहको बलिङको शिकार भए ।

आईपीएल २०२४ को ६० औं खेल कोलकाता नाइट राइडर्स र मुम्बई इन्डियन्सबीच इडेन गार्डेनमा खेलिएको थियो, जुन वर्षाका कारण ढिलो सुरु भएको थियो । दुवै टोलीले १६ ओभर खेल खेले ।

खेलमा आफ्नो पहिलो ओभर बलिङ गर्न आएका जसप्रित बुमराहले पहिलो बलमै इनस्विङ योर्कर प्रहार गरे, जसलाई नारायणले बललाई बुझ्न सकेनन् र बल सिधै स्टम्पमा गयो । उनी क्लिन बोल्ड भएर निराश हुँदै प्याभिलियन फर्किए । सुनिल नारायण खाता नखोलेर आउट हुँदा उनको नाममा लज्जास्पद कीर्तिमान पनि दर्ता भयो ।

आईपीएलमा यो १६ औं पटक हो, जब सुनिल नारायण खाता नखोलेर प्याभिलियन फर्किएका थिए । टी–२० क्रिकेटमा सुनिल नारायणले सर्वाधिक पटक शून्यमा आउट हुने कीर्तिमान कायम गरेका छन् । नारायण टी–२० क्रिकेटमा ४४ औँ पटक खाता खोलेर आउट भएका छन् ।

उनले इंग्ल्याण्डका ब्याट्सम्यान एलेक्स हेल्सको कीर्तिमान तोडे, जसले खाता नखोली ४३ पटक आउट भएका थिए ।

अफगानिस्तानका लेग स्पिनर राशिद खान टी–२० क्रिकेटमा ४० भन्दा बढी पटक शून्यमा आउट भएका खेलाडीको सूचीमा तेस्रो स्थानमा छन् । राशिद खान टी–२० क्रिकेटमा ४२ पटक शून्य रनमा आउट भएका थिए । आईपीएलमा मुम्बई इन्डियन्सविरुद्ध नारायण तेस्रो पटक शून्य रनमा आउट भए ।