• ७ जेष्ठ २०८१, सोमबार
  •      Mon May 20 2024
  •   Unicode
Logo
Latest
★   कसैलाई आरोप लगाएको छैन, समाचार सदनमा पढेर सुनाएको हुँ – गृहमन्त्री ★   गेललाई जर्सी उपहार दिँदै कोहलीले भने – काका अर्को सिजन आईपीएलमा फर्किनु ★   कोरियन नागरिकको सहयोगमा विद्यालयमा शौचालय ★   वडाध्यक्षलाई विद्यार्थीको प्रश्न: ‘खेल्ने सामग्री कसले दिन्छ ?’ ★   सुर्खेत बस दुर्घटना: दुईजनाको मृत्यु, २१ घाइते ★   सभामुखलाई धनराजको पत्र: रातो पासपोर्ट उत्खनन गर्ने गृहमन्त्रीमाथि कारबाही होस् ★   काँग्रेसलाई अध्यक्ष श्रेष्ठको प्रश्न: प्रधानमन्त्रीले विश्वासको मत माग्दा नाराबाजी गर्नु अर्थपूर्ण हो ? ★   काँग्रेसले समिति माग गरेको होइन, सरकार माग गरेको हो: प्रमुख सचेतक बर्तौला ★   टी–२० विश्वकपका लागि अष्ट्रेलियाको टोलीमा आउन सक्नेछन् फ्रेजर म्याकगर्क ★   यामी–आदित्यलाई पुत्रलाभ, के राखे छोराको नाम ?

जापान – नेपाल फुटबल संघको उद्घाटन असार २ मा, च्यारिटी फुटबल पनि हुने



जापान। जापानको टोकियोमा “जापान – नेपाल फुटबल संघ (एन्फा, जापान) को कार्यालय उदघाटन हुने भएको छ ।

आगामी असार २ गते ( जुन १६ तारिख ) आईतबार टोकियोको फुस्सा सि कुमागावामा “जापान नेपाल फुटबल संघ (एन्फा,जापान)”को कार्यसमिति गठन गर्दै कार्यालयको उदघाटन गर्ने निर्णय भएको हो । जापान स्थित नेपाली राजदूत डा. दूर्गाबहादुर सुवेदी ( दुबसु ) को उपस्थितिमा हुने उद्घाट्न समारोहमा अखिल नेपाल फुटबल संघ (एन्फा)का अध्यक्ष पंकजविक्रम नेम्वाङ र एनआरएनए आईसीसीका उपाध्यक्ष रविन प्रसाद शेरचनको समेत उपस्थिति रहने छ ।

यस्तै कार्यक्रम नेपाली राष्ट्रिय फुटबल टोलीका पूर्व कप्तान एवं राजु काजी शाक्य, राष्ट्रिय फुटबल टोलीका पूर्व खेलाडीहरु उमेश प्रधान र हरि खड्का, जापान फुटवल एशोसिएसनको प्रशिक्षक ताकेदा चियेकी र कलाकार राजु लामाको समते उपस्थिति रहने छ । जापान – नेपाल फुटबल संघ (एन्फा जापान) लाई आधिकारिक मान्यता प्रदान गर्न अखिल नेपाल फुटबल संघ (एन्फा) का पदाधिकारी जापान आउन लाग्नु भएको जापान – नेपाल फुटबल संघ (एन्फा जापान) का संयोजक शिब खड्काले जानकारी दिए ।

संयोजक खड्काले कार्यालय उदघाटनसंँगै कार्य समिति घोषणा, नयाँ कार्यसमितिका सदस्यहरुको सपथ ग्रहण र विधान पारित गर्ने कार्यक्रम तय भएको समेत बताए । कार्यालय उद्घाटनकै दिन ६ टिमको सहभागितामा च्यारिटी म्याच समेत खेलाइने भएको छ । खेल नकआउटको आधारमा हुने छ । च्यारिटी म्याचमा सहभागी टिमको नेतृत्व टिम नेपाल रातो (अ) को क्याप्टेन प्रमुख अतिथि राजदूत डा.दुर्गाबहादुर सुवेदी ( दुबसु ) रहने छन भने नेपाल निलो (अ) टिमको क्याप्टेन राजु काजी शाक्य हुने छन् ।

यस्तै एन्फा नेपाल (अ) टिमको क्याप्टेन एन्फा अध्यक्ष पंकज विक्रम नेम्बाङले गर्ने छन् । यस्तै टिम सगरमाथा (अ) को क्याप्टेन हरि खड्का हुनेछन भने रारा (अ) टिमको क्याप्टेन उमेश प्रधानले गर्नेछन् । यस्तै आईसीसी एनआरएन ११ (अ) को क्याप्टेन रविन शेरचनले गर्नेछन् । खेल हाचीओजी टोकियोमा स्थानीय समय अनुसार अपरान्ह ३ बजे देखि राति ८ बजे सम्म हुने छ । खेल हेर्न उपस्थित भइदिन हुन एन्फा जापानका संयोजकले जापानमा रहेको नेपाली नागरिकलाई अनुरोध समेत गरेका छन् ।