काठमाडौं । काठमाडौंको सभामा आउन प्रधानमन्त्री केपी शर्मा ओलीले धेरैलाई निम्ता दिनुभएको थियो र आफूले त्यही दिन आमसभामा सबै कुरा खोल्ने पनि बताउनु भएको थियो । संकटको समयमा प्रधानमन्त्रीले पक्कै पनि केही नया कुरा गर्छन भनेर धेरैले शभा तीर आँखा लाएका थिए ।
सभामा नगएकाहरुले पनि टेलिभजिन अनलाईन , रेडियो तथा सामाजिक संञ्जाल तीर नजर लगाईरहेका थिए । तर त्यो घोषणा पूर्व प्रधानमन्त्री गिरिजाप्रसाद कोइरालाले ग्राण्ड डिजाइनबारे आफूले खोलिदिने भनेजस्तै सीमित हुन पुगेको छ । सभा सकिए पछि सामाजिक सञ्जालमा यस्तै आए । केहीले भने– आजको भाषण त केपी ओलीको जस्तो भएन नि । अरु केहीको प्रतिक्रिया थियो– न प्रचण्ड नेपाललाई धाकधम्की, न त उखान तुक्का नै । अनि उखान तुक्का नै नआएपछि ओलीको बोलीमा के मजा आयो र ? अनि धेरैको प्रतिक्रिया थियो– के प्रधानमन्त्री संयमित भएकै हुन् ? त्यसैगरी अझै धेरै मानिसको यो प्रतिक्रिया थियो– के ओली गलेकै हुन् त ?
प्रधानमन्त्री आफैले र सभाको तयारीमा लाग्ने नेताहरुले भनेका थिए काठमाडौँमा तीन लाख मानिस उतार्ने भनेर । तर मानिसको संख्यामा चाहिँ त्यसमा दुइ सुन्ना काट्नुपर्ने अवस्था देखियो । सायद त्यसैकारण पनि ओलीलाई बोलीका छर्रा छोड्न नफुरेको हो कि ? कतिले त यो पनि अनुमान गरेका छन् । भीड धेरै नदेखेपछि नफुर्ने त नेताहरुको बानी नै हो ।
तर शुक्रबारको ओलीको भाषण अघिका भाषणहरुजस्तो चर्काे संयमित देखेर धेरैले भने ओली संयमित बन्न थालेका हुन् कि भन्ने अनुमान पनि गरेका छन् । शुक्रबार उनको भाषणमा खासै दाहाल नेपाललाई गाली गलौज थिएन । प्रचण्डले मांशाहारी आन्दोलन गर्न खोज्नुको अर्थ के उनले नरभक्षी आन्दोलन गर्न खोजेका हुन् भन्ने बाहेकको ओलीको भाषण त्यस्तो चर्काे थिएन ।
यता शुक्रबारै विहान प्रचण्डले गरेको पत्रकार सम्मेलनमा पनि ओलीप्रति त्यस्तो कुनै आक्रामक अभिव्यक्ति थिएन । सायद यसपछि पनि ओली संयमित बनेका हुनसक्छन् । सुनिएको थियो– आमसभाको विषयमा बिहीबार राति बलुवाटारमा नेताहरुको डिनर थियो र त्यस क्रमम अबदेखि भाषण गर्दा अर्काे पक्षलाई धेरै गाली गलौज नगर्ने, आफ्ना कुरा मात्र भन्ने भनेर समीक्षा गरिएको थियो रे । सायद त्यसैको परिणाम पनि यो हुनसक्छ ।
अरु कतिपयले ओली गलेको अनुमान पनि गरेका छन् । किनभने उनले त्यस दिन घोषणा गर्ने भनेका कुनै पनि कुरा बाहिर आएनन् । उनी आफैले अघिल्लो दिन किसान महासंघको कार्यक्रमलाई सम्बोधन गर्दै भनेका थिए– मैले धेरै कुरा भोलि भन्नेछु । त्यसलाई सरकारी मिडियाले प्रचार पनि गरेका थिए । तर ती कुनै पनि कुरा आएनन्, ओलीको खल्लो भाषणमै उनकै शब्दको इतिहासकै सबैभन्दा ठूलो आमसभा यसै सकियो ।
