काठमाडौं । आज (शनिबार) बिहान प्रधानमन्त्रीनिवास बालुवाटारमा बसेको सत्ता गठबन्धनको बैठकमा संसदीयभन्दा पहिले नै स्थानीय चुनाव गराउनेबारे छलफल भएको छ ।
यद्यपि, चुनाव कहिले गर्ने भन्नेबारे भने टुंगो नलागेको नेताहरुले बताएका छन् । यसबारेमा आजै अपराह्न फेरि बैठक बसेर एउटा निष्कर्षमा पुगिने सत्ता गठबन्धनका नेताहरुले जानकारी दिए ।
नेपाली कांग्रेसभित्र नेताहरुले प्रधानमन्त्री शेरबहादुर देउवालाई चुनाव सार्न नहुने दबाब दिएका छन् । यस्तै माओवादी अध्यक्ष प्रचण्ड र एकीकृत समाजवादी अध्यक्ष माधव नेपाललाई समेत सहमति गराई समयमै चुनाव गर्नेगरी छलफल सकारात्मक ढंगले अघि बढेको बुझिएको छ ।
