काठमाडौँ । अभिनेत्री नन्दिता केसी विवाह बन्धनमा बाधिएकी छिन् । शनिवार एक समारोहकाबिच नन्दिताले कार्डियोलोजिस्ट डा अरविन्द्र कटवालसँग लगनगाँठो कसेकी हुन् ।
काठमाडौँको एक होलटमा भएको विवाह समारोहमा दुवैतर्फका साथीभाइ, आफन्तलगायतको उपस्थिती रहेको थियो ।
विवाह अगाडि बिहीबार नन्दिताकोे मेहन्दी सेरोमनी आयोजना गरिएको थियो । रानीवनस्थित रेसुभिल्ला रिसोर्टमा आयोजित मेहन्दी सेरोमनीमा अभिनेत्री श्वेता खड्का, रीमा विश्वकर्मा, निर्देशक रेनेशा बान्तवा राई, गायिका रेखा शाहलगायत सेलिब्रेटी, उनका नजिकका आफन्त र रंग पत्रकारको उपस्थिति थियो ।
केहि दिन अघि मात्र नन्दिताले सामाजिक सञ्जालमार्फत आफ्नो जीवनको नयाँ यात्राको सुरुवात बारे जानकारी गराएकी थिईन् ।
नन्दिताले ‘इन्द्रेणी’, ‘कैफियत’, ‘बाटोमुनिको फूल’, ‘हामी तीन भाई’, ‘युगदेखि युगसम्म’, ‘निशाना’, ‘जंगबहादुरको कोट’, ‘सपना’, ‘मृगतृष्णा’ लगायतका फिल्ममा काम गरेकी छिन् ।
तस्बिर: टौवा ईभेन्टस्
