काठमाडौँ । प्रहरीले सुनसरीबाट गाँजा बोकेको एम्बुलेन्स नियन्त्रणमा लिएको छ ।
वराहक्षेत्र नगरपालिका–१ स्थित चतराबाट को.१च २९३७ नम्बरको एम्बुलेन्सबाट २७३ किलो गाँजा बरामत गरिएको सशस्त्र प्रहरी बलका सह–प्रवक्ता शैलेन्द्र थापाले जानकारी दिए ।
चतराबाट सूर्यकुण्ड जाने सडकमा रोकेर राखेको एम्बुलेन्स जाँच गर्दा ९ वटा पोकामा गाँजा भेटिएको डीएसपी थापाले बताए । गाँजासहित एम्बुलेन्स इलाका प्रहरी कार्यालय चक्रघट्टीमा बुझाइएको उनले जानकारी दिए ।
यसबारे थप अनुसन्धान भईरहेको छ ।
