काठमाडौं । नेकपा माओवादी केन्द्रका सांसद माधव सापकोटाले संसद चल्न नदिने भए राजीनामा दिएर सडकमा जान भनेका छन् ।
शुक्रबार प्रतिनिधिसभाको बैठकमा राप्रपाका सचेतक ज्ञानेन्द्र शाहीले बालकुमारी घटनामा प्रधानमन्त्रीको जवाफ नआएसम्म सदन चल्न नदिने भनेपछि सापकोटाले प्रतिवाद गर्दै संसद चल्न नदिने भए राजीनामा गरेर सडकमा जान भनेका हुन् ।
उनले भने, ‘भर्खर माननीय ज्ञानेन्द्र शाहीले भन्नुभयो, संसद चल्दैन, नचलाउनुस् केही छैन । संसद बन्द गर्न, अराजकता प्रदर्शन गर्न, हुलहुज्जत गर्न, मनलागि गर्न जनताबाट निर्वाचित भएर आएको हो ? तपाईँहरु शासन व्यवस्थाको कुरा पनि गर्नुहुन्छ, तपाईँहरुलाई यो शासन व्यवस्था गलत छ भन्ने लाग्दछ भने सांसदको पदबाट राजीनामा गरेर सडकमा जानुस् ।’
