एजेन्सी । आज मंगलबार ‘डन ३’का निर्माताले फिल्मको मुख्य अभिनेत्रीको घोषणा गरेका छन् । फरहान अख्तर र एक्सेल इन्टरटेनमेन्टले सामाजिक सञ्जालमा भिडियो शेयर गरेका छन् । कियारा आडवाणीलाई ट्याग गर्दै क्याप्शनमा लेखिएको छ – ‘डन युनिभर्समा स्वागत छ कियारा’
‘डन’ फ्रेन्चाइजीको तेस्रो फिल्म ‘डन ३’ मा शाहरुख खानको स्थानमा रणवीर सिंह डनको भूमिकामा देखिनेछन् । अब निर्माताले फिल्ममा प्रियंका चोपडाको सट्टा रणवीरको अपोजिट कियारा आडवाणीलाई कास्ट गर्ने निर्णय गरेको छ । यस फिल्मको निर्देशक फरहान अख्तर हुनेछन् ।
भेराइटीसँगको एक अन्तर्वार्तामा फरहानले ‘डन–३’ को कथालाई एक दिशा दिन चाहन्थे । तर, उनी र यस सिरिजको अन्तिम दुई भागमा मुख्य कलाकार रहेका शाहरुख खान यसको कथामा सहमत भएनन् । यही कारणले गर्दा फरहानले शाहरुखलाई फिल्मबाट हटाएर रणवीरसँग काम गर्ने निर्णय गरेका थिए ।
फरहानले भने– म कसैलाई रिप्लेस गर्ने अवस्थामा छैन । हामीले वर्षौंदेखि यी कुराहरू छलफल गर्दै आएका थियौं । म कथालाई कुन दिशामा लैजान चाहन्छु भन्ने कुरामा शाहरुख र म सहमत थिएनौं । त्यसपछि हामीले आपसमा कुरा गर्यौं र छुट्टिने निर्णय गर्यौं । यो शृङ्खलाको लागि यो राम्रो हुनेछ भन्ने हामीलाई लागेको थियो ।’
फिल्म आगामी वर्ष रिलिज हुने बताइएको छ ।
