• २९ असार २०८१, शनिबार
  •      Sat Jul 13 2024
  •   Unicode
Logo
Latest
★   त्रिशूलीमा बेपत्ता तीन जनाको शव फेला ★   सूचना प्रविधि क्षेत्रको विकासलाई सरकारले प्राथमिकतामा राख्नुपर्छ:अध्यक्ष ढकाल ★   स्रष्टाले सम्झिए आदिकवि ★   प्रहरी जवानको परीक्षा दिँदै गरेका छ नक्कली परीक्षार्थी पक्राउ ★   चाइना निर्माण कम्पनीसँगको समन्वयमा पूर्वपश्चिम राजमार्गका खाल्डाखुल्डी पुर्दै ट्राफिक प्रहरी ★   पशुपति क्षेत्रमा गङ्गामाई रथयात्रा ★   नारायणीमा दुईवटा शव फेला ★   ओली सरकारमा लोसपा सहभागी हुने, मन्त्री छान्ने जिम्मा अध्यक्ष ठाकुरलाई ★   आइतबारका लागि निर्धारित प्रतिनिधिसभाको बैठक सोमबार सर्यो ★   एमाले अध्यक्ष ओली आइतबार चौंथोपटक प्रधानमन्त्री बन्दै !

ओलीको आरोप: प्रधानमन्त्रीले योग्यलाई छोडेर त्रिवि उपकुलपतिको सर्टलिष्ट बनाए (भिडियोसहित)



काठमाडौं । प्रमुख प्रतिपक्ष दल नेकपा (एमाले) का अध्यक्ष एवं पूर्वप्रधानमन्त्री केपी शर्मा ओलीले सरकारले योग्यजतिलाई छाडेर त्रिभुवन विश्वविद्यालय (त्रिवी) को उपकुलपतिको सर्टलिष्ट बनाएको आरोप लगाउनुभएको छ ।

प्रधानमन्त्री पुष्पकमल दाहालले मेरिटोक्रेसीको कुरा गरेर गठबन्धनका लागि जस्तोसुकै अनुचित क्रियाकलाप गरिसकेका योग्य सावित नहुनेहरुलाई त्रिवीको उपकुलपति बनाउन लागेको जिकिर गर्नुभएको हो ।

बुधवार पार्टी निकट विद्यालय संगठन अनेरास्ववियुले पार्टी मुख्यालय च्यासलमा आयोजना गरेको एक कार्यक्रममा बोल्दै अध्यक्ष ओलीले दलीय आधारमा उपकुलपति हुँदैनन भनेर भन्ने प्रधानमन्त्री दाहालले मेरिटोक्रेसीको नाममा ठाडै राजनीतिक दलको सेवा गरेर हिँड्नेहरुलाई त्रिवी उपकुलपतिमा सर्टिङ गरेको भन्दै आक्रोश व्यक्त गर्नुभयो । उहाँले मेरिटोक्रेसीको नाममा त्रिवी उपकुलपति छनौटको विषयलाई प्रधानमन्त्रीले नाटकको रुपमा मञ्चन गर्ने काम गरेको समेत बताउनु भयो ।

अध्यक्ष ओलीले भन्नुभयो, ‘प्रधानमन्त्रीजीले अस्तीनै २/४ पटक खोक्नुभयो । गज्जवसँग खोक्नुभयो । खोकेको भन्छन के त्यसलाई । कुराले खोकेको नि । उहाँले खोक्नु भयो–अब विश्वविद्यालयमा मेरिटोक्रेसी लगाईन्छ । दलीय आधारमा हुँदैन भनेर । अहिले जुट सर्टलिष्ट उहाँहरुले बनाउनु भएको छ । योग्यजतिलाई छाड्नुभएको छ । गठबन्धनका आसेपासेहरु, वरपर बस्नेहरु, अयोग्य सावित भइसकेकाहरु, अयोग्य हुनेपछि पनि योग्य नहुने, यस्ता ठाउँमा जिम्मेवारी दिन नहुने भनिएकाहरु, नचाहिने काम गरेकाहरु ठाडै राजनीतिक दलका सेवा गरेर हिँड्नेहरु त्यस्ताहरुको सटिङ गरेर अब उहाँको मेरिटोक्रेसी पहिला नै देखियो । गठबन्धनको पक्षमा हुनुपर्ने, गठबन्धनका लागि अनुचित, अपवित्र क्रियाकलाप गरिसकेका प्रमाणितहरु हुनुपर्ने भन्ने देखिसकियो । छानिएका मानिसहरुलाई मैले केही भन्नु छैन । उनीहरु त्यसै गरेर खाई आएका हुन । ठिकै छ । कोही पोखरामै असफल भएका, कोही टियूमै असफल भएका, कोही कुन विश्वविद्यालयमा असफल भएका, त्यस्ता मान्छेहरु फेरि उहाँहरुले नयाँ मान्छेहरु कोही जन्मिएकै छैनन् जस्तो र ठिक ढंगले काम गरेकाहरुले विश्वविद्यालयको छेउमा नै पर्नुहुन्न जस्तो, प्रमाणित रुपमा राम्रो काम गरेका र गर्न सक्ने क्षमता प्रदर्शन गरेका टिक्नै नसक्ने, त्यस्तालाई सर्टलिष्टमै फ्याँकि दिने । अनि मेरिटोक्रेसीको कुरा गर्ने । मैले प्रधानमन्त्रीजीलाई भनेको थिए उहाँले खोकी राखेको बेला । मेरिटोक्रेसीको गफ दिएर हिँड्नुभएको थियो । त्यसबेला मैले भनेको थिए–तपाईले छनौट समितिबाट बनाउने भन्नुभएको छ । छनौंट समिति चाहीँ कस्तो हुन्छ ? कसको बनाउनु हुन्छ ? आफ्नै मान्छे राखेर छनौट समिति बनाउने । उहाँहरु तरिका के गर्नुहुन्छ भने एउटा नाटक मञ्चन गर्नुहुन्छ । अहिले एउटा गैरआवासीय नेपालहरुको ४ वटा अधिवेशन भइसक्यो । जहिले पनि काँग्रेसले लफडा गरेको छ ।’

अध्यक्ष ओलीले गैर आवासीय नेपाली संघको निर्वाचनमा नेपाली काँग्रेसले पटक पटक लफडाको विषय बनाएर फुटाउने काम गरेको पनि दोहोर्‍याउनु भयो । —न्युज एजेन्सी नेपाल