बिराटनगर । नेपाल अन्तर्राष्ट्रिय कृष्णभाबनामृत संघ (इस्कोन)ले बिराटनगरमा भक्ति उत्सव कार्यक्रम गरेको छ ।
विराटनगरको अतिथि सदनको सभाहालमा सुभारम्भ भएकाे कार्यक्रम माघ १८ गते देखी २१ गते सम्म संञ्चालन हुने छ । कार्यक्रममा सहभागिता जनाउन नेपालका विभिन्न शाखाहरूबाट करिब ६०० जनाको उपस्थिति रहेको छ।
युवा सशक्तिकरण शीर्षक रहेको कार्यक्रमा सेमिनार, संस्कृति कार्यक्रम, नगर हरिनाम संकिर्तनका साथै झाँकी प्रस्तुत गरिने इस्कोनले जनाएको छ ।
उद्घाटन सत्रमा बोल्दै इस्कोन नेपालका अध्यक्ष परमेश्वर अच्युत दासले,आध्यात्मिक जागरणले युवाहरुको जीवनमा प्रत्यक्ष सकारात्मक प्रभाव पर्ने बताउनु भयो ।
विराटनगर सहायता प्रमुख जिल्ला अधिकारी प्रदीप शाहले कार्यक्रमले युवाहरुमा नैतिकता, सदाचार, इमान्दारिताका साथै सत मार्गमा हिँड्न प्रेरणा मिल्ने विश्वास व्यक्त गर्नुभयो ।
कार्यक्रममा उद्योग सङ्गठन मोरङका अध्यक्ष राकेस सुरानाले विराटनगरमा इस्कोनको मन्दिर निर्माण गर्न भरपूर सहयोग गर्ने प्रतिबद्धता व्यक्त गर्नुभयो ।
कार्यक्रममा मोरङ जिल्लाका डि।एस।पी राजन दाहाल, मोरङका जिल्ला समन्वय अधिकारी गिरिराज भट्टराई पराजुली, अतिथि सदनका उपाध्यक्ष सुधीर कुमार अग्रवालले आफ्नो धारणा व्यक्त गरेका गर्नुभएको थियो ।
