• ११ फाल्गुन २०८०, शुक्रबार
  •      Fri Feb 23 2024
  •   Unicode
Logo

महानगर शिक्षा शाखा प्रमुख कोइरालालाई बालेनले सोधे स्पष्टीकरण



काठमाडौँ । काठमाडौँ महानगरपालिकाले शिक्षा शाखा प्रमुख सिताराम कोइरालालाई स्पष्टीकरण सोधेको छ । मेयर नै संयोजक रहने समितिले नगरेको निर्णयलाई ‘निर्णय भएको’ भनेर पत्र लेखेको पाइएपछि काठमाडौँका मेयर बालेन शाहले उनलाई स्पष्टीकरण सोधेका हुन् ।

यस्तै, उनलाई सात दिनभित्र आफ्नो सफाइ पेश गर्ने मौका दिइएको छ । गत शुक्रवारदेखि लागू हुने गरी सात दिने सफाइ पेश गर्न भनिएको छ ।

कोइरालाले महानगरको नगर शिक्षा समितिको निर्णय भन्दै बानेश्वरमा रहेको रत्नराज्य स्कुललाई प्लस टु चलाउने अनुमति दिएका थिए । यो विषयमा शिक्षा समितिले निर्णय नै नगरेको तर, शिक्षा शाखा प्रमुखले कक्षा सञ्चालनको अनुमति दिएको भन्दै उजुरी परेको थियो ।

कोइरालाले अनुमति दिएपछि रत्नराज्यले प्लस टु मा २२ जना विद्यार्थी भर्ना गरेर अध्यापन गराउन थालेको पाइएको छ ।