एजेन्सी । यही वर्ष रिलिज हुने साउथका दुई बहुप्रतिक्षित फिल्म अल्लु अर्जुन स्टारर ‘पुष्पा–२’ र जुनियर एनटीआर स्टारर ‘देवारा’का लागि दर्शकले केही समय कुर्नुपर्ने भएको छ ।
पुष्पा–२ को निर्माण पक्षले १५ अगस्ट २०२४ मा रिलिज मिति तय गरेपनि देवराका निर्माताहरुले भने अप्रिल ५ मा रिलिज गर्ने तयारी गरेका थिए । तर, अहिले यी दुवै फिल्म निर्धारित समयमा रिलिज नहुने सुनिएको छ ।
सुपरस्टार अल्लु अर्जुन लामो समयदेखि ‘पुष्पा–२’ को सुटिङमा व्यस्त थिए । तर, अहिले केही स्वास्थ्य समस्याका कारण उनले सुटिङबाट ब्रेक लिएका छन् । अल्लुले फेरि कहिले सुटिङ सुरु गर्ने हो थाहा छैन, तर उनको ब्रेकले फिल्मको पोस्ट प्रोडक्सनलाई असर गर्ने निश्चित छ ।
