एजेन्सी । साउथ अभिनेता विजय देवरकोन्डा र अभिनेत्री रश्मिका मन्दना हालै सामाजिक सञ्जालमा फैलिएको आफ्नो इन्गेजमेन्ट अफवाहका कारण चर्चामा छन् । रिपोर्टका अनुसार दुबैले फेब्रुअरीमा इन्गेजमेन्ट गर्नेछन् ।
विजय र रश्मिका प्रायः आफ्नो डेटिङ अफवाहका कारण हेडलाइन बन्छन्, तर अब अभिनेता विजय देवरकोन्डाको टोलीले इन्गेजमेन्टको खबरलाई लिएर आफ्नो बयान जारी गरेको छ ।
विजय देवरकोन्डाको टोलीले यी रिपोर्टहरूमा प्रतिक्रिया दिँदै यी रिपोर्टहरूलाई ‘झूटो’ भनेका छन् । विजयको टोलीले समाचार एजेन्सी आईएएनएससँग कुरा गर्दै भने, ‘रिपोर्ट गलत हो ।’ यसैबीच, फ्यानहरूले सामाजिक सञ्जालमा विजय देवरकोन्डा र रश्मिका मन्दनाले फेब्रुअरीमा इन्गेजमेन्ट गर्न सक्ने अनुमान गरिरहेका छन् ।
रिपोर्टमा भनिएको छ कि दुबै कलाकारका परिवारले बिहे गर्न राजी भइसकेका छन् । हालै यो जोडी सँगै छुट्टी मनाउन माल्दिभ्स गएका थिए ।
यसअघि दीपावलीमा विजय र रश्मिका दुवैले आफ्नो इन्स्टाग्राममा तस्बिरहरू सेयर गरेर फ्यानहरूलाई पर्वको शुभकामना दिएका थिए । फ्यानहरुले दुबैको तस्विरमा समानता खोजिरहेका थिए । केही फ्यानले दुवैले एउटै घरबाट दीपावलीको तस्बिर सेयर गरेको समेत बताएका छन् । तर, यी सबै हल्लामा कति सत्यता छ त्यो भने कलाकारको आधिकारिक बयानपछि मात्रै थाहा हुनेछ ।
