दीपकराज गिरीको झटारो – धेरै मन्त्रीहरू नभएको भए देशको अवस्था यस्तो हुने थिएन

काठमाडौँ । अभिनेता तथा निर्माता दीपकराज गिरी सामाजिक सञ्जालमा निकै सक्रिय रहन्छन् । बेलाबखत उनले विभिन्न घटना एवं राजनीतिलाई लिएक प्रतिक्रिया जनाउँदै आएका छन् ।

यसैबीच उनले बालकुमारी घटनामा आइजिपीको प्रतिक्रियालाई लिएर कटाक्ष गरेका छन् । प्रहरी महानिरीक्षक बसन्तबहादुर कुँवरले भौतिक पूर्वाधार तथा यातायात मन्त्री प्रकाश ज्वाला बालकुमारीको बाटो हुँदै यात्रा गरेकाले दुई जनाको ज्यान जाने गरी घटना घटेको बताएका थिए ।

यसैलाई लिएर अभिनेता गिरीले सामाजिक सञ्जाल फेसबुकमा यति धेरै मन्त्रीहरू नभएको भए देशकै अवस्था यस्तो नहुने टिप्पणी गरेका छन् । उनले भनेका छन् – मन्त्री नभएको भए बालकुमारी घटना नै हुने थिएन रे !
सही हो.. यति धेरै मन्त्रीहरू नभाको भए देश कै अबस्था यस्तो हुने थिएन !!