काठमाडौं । राप्रपा नेपालका अध्यक्ष कमल थापाले राजसंस्था,हिन्दुराष्ट्र पक्षधर र संघीयता नचाहने बिच तत्काल मोर्चा निर्माण गरि नयाँ जनआन्दोलन आवश्यक रहेको बताउनु भएको छ ।
राप्रपा नेपाल काठमाडौं जिल्ला कार्यसमितिले आयोजना गरेको कार्यक्रममा अध्यक्ष थापाले यस्तो बताउनु भएको हो ।
उहाँले भन्नुभयो ‘संघीय गणतन्त्रको नाममा कायम भ्रष्ट ब्यबस्थाको अन्त्य आजको प्रमुख आबश्यकता हो ।’
उहाँले अहिलेकै ब्यबस्था कायम रहे नयाँ तानाशाहको जन्म हुने हुदाँ देश बचाउन र बनाउन राजसंस्था,हिन्दुराष्ट्र पक्षधर र संघीयता नचाहने बिच तत्काल मोर्चा निर्माण गरि नयाँ जनआन्दोलन जरुरी रहेको जनाउनु भयो ।
थापाले भन्नुभयो ‘संबैधानिक अङ्ग,न्यायालय,प्रशासनिक क्षेत्र लगायत अन्य सबै क्षेत्रमा कब्जा जमायर सर्बसत्ताबाद लाद्ने दुष्प्रयास हुदैछ,त्यसको प्रतिबाद गरौ।’
