काठमाडौं । व्यवसायी दुर्गा प्रसाईं नतृत्वको राष्ट्र, राष्ट्रियता धर्म, संस्कृति र नागरिक बचाउ महाअभियानअन्तर्गतको बिरोध प्रदर्शनमा धर्मगुरु आचार्य श्रीनिवास प्रकाउ परेका छन् ।
धर्मगुरुको अगुवाईमा गौशालामा भएको आन्दोलनमा उग्र अभिव्यक्ति दिएपछि आचार्य श्रीनिवास प्रकाउ परेका हुन् ।
भिडलाई उग्र बनाएर सडक अबरुद्ध पार्न खोजेपछि प्रहरीले उनलाई नियन्त्रणमा लिएको जिल्ला प्रहरी परिसर, काठमाडौंका प्रमुख एसएसपी भुपेन्द्र खत्रीले जानकारी दिए ।
यसअघि पनि व्यवसायी प्रसाईंले ललितपुरस्थित बल्खु र काठमाडौंको सिफल चौरमा बिरोध प्रदर्शन गरेका थिए । मंसिर ७ गतेदेखि प्रसाईंले काठमाडौंकेन्द्रीत आन्दोलन गरिरहेका छन् ।
गौशालाको मुल सडक कब्जा गर्दै आन्दोलन शुरू गरेपछि केही समय नेपाल प्रहरी र प्रसाईं समर्थकबीच झडपको स्थिति सिर्जना भएको थियो ।
