• ५ असार २०८१, बुधबार
  •      Wed Jun 19 2024
  •   Unicode
Logo
Latest
★   प्रधानमन्त्री आफैँ खेलकुद क्षेत्रमा गम्भिर बन्नुपर्छ: मेटमणि चौधरी ★   दीपेन्द्रसिंह ऐरीको छलाङः टी-२० विश्व वरीयताको अलराउन्डरको छैटौं स्थानमा उक्लिए ★   संसदीय छानबिन विशेष समिति कानूनी परामर्शमा ★   सरकारले दुध किसानलाई वक्यौता रकम तत्काल उपलब्ध गराउनुपर्छ: दीपकबहादुर सिंह ★   सरकारले राष्ट्रिय खेलाडीलाई आवश्यक मासिक तलवको व्यवस्था गर्न नसकेकोमा एमाले सचिव आचार्य असन्तुष्ट ★   श्रद्धा कपुरले राहुलसँगको रिलेसनसिपको पुष्टि गरिन् ★   पाटन हत्या घटना: थप एकजना पक्राउ ★   पूर्वराष्ट्रपतिले कुनैपनि पार्टीको सदस्यता नविकरण गर्न मिल्छ की मिल्दैन सरकारले जवाफ दिनुपर्छ: सांसद खतिवडा ★   सरकारले ५ सय र हजारका नोट तत्काल प्रतिवन्ध लगाउनुपर्छ: काँग्रेस उपसभापति गुरुङ ★   कवाडी व्यवसायीहरुमाथि प्रहरी धरपकडबारे संसदमा प्रभु साह र अमरेशको आक्रोश

गणतन्त्रको विकल्प छैन- देउवा, राजा आउने सम्भावनै छैन भन्न सकिन्न- सशांक



चितवन । नेपाली काङ्ग्रेसका सभापति शेरबहादुर देउवा र सो पार्टीका अर्का नेता डा सशांक कोइरालाले नेपालमा राजतन्त्र आउने र नआउने विषयमा फरक मत राखेका छन् ।

आज चितवन पुगेका देउवा र सशांकले चितवन विमानस्थलमा पत्रकारहरुसँग कुरा गर्दै फरक फरक मत राखेका हुन् । पत्रकारको प्रश्नमा सभापति देउवाले गणतन्त्रको विकल्प नभएको बताए । उनले भने “गणतन्त्रको विरोध गर्नुको अर्थ छैन, बदलिने कुरा छैन ।” सभापति देउवाले गणतन्त्रको बिरोध गर्नेहरुको अर्थ नरहेको समेत बताए ।

गणतन्त्र बिरोधी गतिविधिबाट राजनीतिक दलहरु अत्तालिएका छन् नि भन्ने प्रश्नमा उनको जवाफ थियो- “को अत्तालियो ? हामी अत्तालिएका छैनौँ । जो अत्तालिएका छन् उनैलाई सोध्नुस् ।” सोही विमानस्थलमा साथैमा रहेका कांग्रेस नेता डा शशांक कोइरालाले भने राजतन्त्र फर्कने विषयमा मिश्रित प्रतिक्रिया दिए ।

उनले भने “म आफूलाई विश्वास लागेको त छैन तर सबै कुरा नकार्नै पनि सकिँदैन ।” डा कोइरालाले भने “राजतन्त्र फर्कनेमा मलाई विश्वास नलागे पनि यहाँ हरेक कुराको सम्भावना छ । संसदले चाह्यो भने जे पनि हुनसक्छ । त्यसैले असम्भव भन्ने केही छैन । ” कोइरालाले सरकारका कामप्रति नागरिक पूणर्रुपमा सन्तुष्ट हुन नसक्दा व्यवस्थामाथि नै प्रश्न उठेको पनि बताए ।

उनले भने- सरकारले राम्रो काम गर्नुपर्यो, जनताका निराशा दुर गर्ने काम गर्नुपर्यो । नत्र विकल्प जसले पनि खोज्छ । उनले सङ्घीयता आवश्यक भए पनि यसको वर्तमान संरचनाप्रति भने प्रश्न उठेको बताए ।