काठमाडौं । राप्रपा नेपालका अध्यक्ष कमल थापाले राजसंस्थाको पक्षमा देखिएको जनमतबाट प्रचण्ड,ओली,गगनहरु त्रशित र आतंकित भएको जनाउनु भएको छ ।
सामाजिक संञ्जालमा थापाले लेख्नुभएको छ प्रचण्ड,ओली,गगनहरुको राजाप्रतिको धम्किपूर्ण बर्बराहटले प्रष्ट पार्छ(राजसंस्थाको पक्षमा देखिएको जनमतबाट उनीहरु त्रशित र आतंकित छन्।
उहाँले लेख्नुभएको छ उनीहरु साच्चिकै लोकतन्त्रवादि हुन भने जनभावनाको कदर गर्दै राजासहितको प्रजातन्त्र स्थापना गर्ने साहस देखाउन आग्रह छ।अन्यथा समयले उनीहरुलाई पछाडी छोड्नेछ ।
प्रधानमन्त्री पुष्पकमल दाहाल , एमाले अध्यक्ष केपी ओली र कांग्रेस महामन्त्री गगन थापाले आज पूर्वराजा प्रति कटाक्ष गर्नुभएको थियो । झापाका एक कार्यक्रममा सहभागी हुन पुग्नु भएका पूर्वराजालाई स्वागत गर्न उल्लेख सर्वसाधारण सहभागी भएका थिए ।
