• ७ असार २०८१, शुक्रबार
  •      Fri Jun 21 2024
  •   Unicode
Logo
Latest
★   दुग्ध विकास संस्थानलाई निजी साझेदारीमा सञ्चालन गर्ने सोचमा छौं: कृषिमन्त्री साह ★   पोखरा र भैरहवा विमानस्थल पूर्ण क्षमतामा सञ्चालन गर्नेबारे छलफल ★   दीपेन्द्रसिंह ऐरीलाई यूएईको आईएल टी–२० लिग खेल्न गल्फ जायन्ट्सले गर्यो रिटेन ★   टी–२० विश्वकपको सुपर ८ मा दुई आयोजक भिड्दै, दुबैलाई जित्नैपर्ने दबाब ★   रूसी नेता पुटिन थप शक्तिशाली कि कमजोर ? ★   सिमेन्ट उद्योगका जटिलता हटाउन सकारात्मक छौँ: उद्योगमन्त्री भण्डारी ★   नेपाली काँग्रेस संसदीय दलको बैठक जारी ★   प्याट कमिन्सअघि यी ६ बलरले टी–२० विश्वकपमा ह्याट्रिक लिएका थिए ★   सिमेन्ट उद्योगलाई उद्योगस्थलकै तौल पुल प्रयोग गरी उत्खनित खनिजको परिणाम मापनका लागि ६ महिना म्याद… ★   रास्वपाको चियापान कार्यक्रममा शीर्ष नेताहरु– तस्बिरहरु

झापामा पूर्वराजाको ‘क्रेज’: लिङ्देनले शक्ति देखाए-फोटो फिचर



काठमाडौं । पूर्वराजा ज्ञानेन्द्र शाह बिर्तामोडस्थित इस्टर्न इम्पाएर कलेज अफ होटल म्यानेजमेन्टको प्राङ्गणमा निर्माण गरिएको पृथ्वीनारायण शाहको पूर्णकदको शालिक अनावरण गर्न शुक्रबार झापा पुग्नु भयो ।

झापामा शालिक अनावरण कार्यक्रम मात्र थिएन राष्ट्रिय प्रजातन्त्र पार्टी (राप्रपा) लाई आफनो शक्ति प्रदर्शन गर्ने मौका पनि थियो । राप्रपा अध्यक्ष राजेन्द्र लिङ्देन १५ दिनदेखि सोही कार्यक्रमको तयारीका लागि झापा जानु भएको थियो ।

अध्यक्ष लिङ्देन आजको नागरिक उपस्थितीले दंग हुनुहुन्छ । केही साता अघि भक्तपुरमा जादाँ जनमानसबाट पाएको साथ र समर्थन भन्दा कमि हुन्छ कि भन्ने चिन्तामा रहनु भएका लिङ्देन आजको उपस्थिती पछि उत्साहित हुनु भएको जनाईएको छ ।

राप्रपाका प्रवक्ता एवं प्रचार विभाग प्रमुख मोहन कुमार श्रेष्ठका अनुसार झापाले नयाँ सन्देश दिएको छ । उहाँले भन्नुभयो ‘कसैलाई निषेध नगरौं, सबैको स्पेस सुरक्षित गरौं, राजनीतिक दल र राजा सहितको नयॅा समझदारी कायम गरौं, देशको विद्यमान संकट समाधान गर्न सम्पूर्ण शक्ति एकीकृत गरौं भन्ने सन्देश झापाले दिएको छ ।’

पूर्वराजा शाहको स्वागतमा बिर्तामोडमा सर्वसाधारणको भीड लागेको थियो । शुक्रबार झापा पुग्नु भएका पूर्वराजा बस्नु भएको मेचीनगरस्थित होटल मेची क्राउनबाट राप्रपाले हजारौं मोटरसाइकलको र्‍यालीका साथमा पूर्वराजा शाहलाई स्कर्टिङ गरेर बिर्तामोडसम्म पुर्‍याएको थियो ।