काठमाडौं । राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक दुर्गा प्रसाईलाई घरबाट बहिर निस्कन सुरक्षाकर्मीले अबरोध गरेपछि आफूलाई जहाँ लगेर थुने पनि सामना गर्ने बताएका छन् ।
आफ्नै घरमा नजरबन्दमा परेका प्रसाईँले घरमै पत्रकार सम्मेलन गरेर आफू नागरिक बचाउन आएको भन्दै भाग्नेवाला नभएको प्रष्ट पारे ।
जनताका लागि बोल्दा हाउस एरेस्ट हुनुपरेको बताउदै हामीले गणतन्त्र यसैका लागि ल्याएको हो ? भन्दै प्रश्न गरे । उनले भने, प्रचण्डसँग धेरै लामो संगत गरेको हुँ । हिजो जंगलबाट झिकेर सत्तामा पुर्याउने एउटा भर्याङ म पनि हुँ । हिजो जनतालाई गरेको बाचा पूरा भयो कि भएन ? आज उहाँलाई सत्तामा पुर्याउने र राजसंस्था फ्याक्ने आज राजा भएको देशमा काम गर्दैछन् । उहाँहरुका ५० हजार घाइतेमध्ये मैले २० जनाको त गोली निकालेको छु । १७ हजार मरेका छन् । उनीहरुले के पाए ?’
हिजो सैनिक हिरासतको कठोर यातना भोगेको र आज पुलिसको यातना भोग्न पनि तयार रहेको बताउदै प्रसाईंले भने,‘स्कुलहरु चलुन्, एम्बुलेन्सहरु चलुन्, पसलहरु बन्द गरिदिनुस । दक्षिणकाली लगेर कालो बोको कटाउनुस, म भाग्नेवाला छैन ।’
साथै, उनले यो व्यवस्था परिवर्तन नहुञ्जेलसम्म काठमाडौंका पसलहरु बन्द गर्न आह्वान गरे ।
