एजेन्सी । आईसीसी एकदिवसीय विश्वकप २०२३ को आधा यात्रा सकिएको छ । भारतीय टोली विश्वकप २०२३ को सेमिफाइनलमा प्रवेश गरिसकेको अवस्थामा अन्य टोलीबीच संघर्ष जारी छ । यसैबीच न्युजिल्यान्ड टोलीलाई ठूलो धक्का लागेको छ ।
न्युजिल्यान्डका तिब्र गतिका बलर म्याट हेनरी चोटका कारण पूरै प्रतियोगिताबाट बाहिरिएका छन् । दक्षिण अफ्रिकाविरुद्धको पछिल्लो खेलमा ह्यामस्ट्रिङमा चोटका कारण उनी घाइते भएका थिए ।
यसपछि उनलाई थप खेल्न असम्भव भएको हो । उनको स्थानमा घातक फास्ट बलर काइल जेमिसनलाई टोलीमा समावेश गरिएको छ ।
न्युजिल्यान्ड क्रिकेट टोलीले विश्वकप २२३ मा उत्कृष्ट सुरुवात गरेको थियो । टोलीले लगातार चार खेल जितेको थियो तर धर्मशालामा भारतसँगको हारपछि उनको फर्म खस्किएको छ । टोलीले लगातार तीन खेलमा हार बेहोरेको छ ।
