काठमाडौं: पूर्वराष्ट्रपति विद्यादेवी भण्डारीले चीनका पूर्वप्रधानमन्त्री ली खछ्याङको असामायिक निधनको खबरले स्तब्ध भएको बताउनु भएको छ ।
पूर्वप्रधानमन्त्री खछ्याङको शुक्रबार मध्यराति ६८ वर्षको उमेरमा हृदयाघात भएर निधन भएको थियो ।
पूर्वराष्ट्रपति भण्डारीले सामाजिक सञ्जालमा लेख्दै भन्नु भएको छ, “म स्वर्गीय ली प्रति भावपूर्ण श्रद्धान्जली अर्पण गर्दछु । चिनियाँ जनता, चीन सरकार तथा स्वर्गीय ली का परिवारका सदस्यमा गहिरो समवेदना प्रकट गर्दछु ।”
उहाँसँग भएका विभिन्न भेटघाटमा मैले उहाँलाई सधैं नेपालप्रति अत्यन्त सद्भाव राख्ने असल मित्रका रूपमा पाएको थिएँ भन्दै नेपाल चीन मैत्रीको विकासमा उहाँले खेल्नुभएको भूमिका सदैव स्मरणीय रहने छ भन्नु भएको छ ।
