काठमाडौँ । सुन तस्करी प्रकरण छानबिनका लागि सरकारद्वारा गठित उच्चस्तरीय जाँचबुझ आयोगले आफ्नो काम सुरु गरेको छ ।
आयोगका अध्यक्ष डिल्लीराज आचार्यका अनुसार बुधबार बसेको आयोगको बैठकले केही निर्णयसहित औपचारिकरूपमा काम सुरू गरिएको हो । आयोगले गृह मन्त्रालयको पुरानो भवन परिसरमा कार्यालय स्थापना गरेर काम सुरु गरेको हो ।
आयोगले बिहीबार एक पत्रकार सम्मेलन गरी इलेक्ट्रोनिक सिगरेट (भेप्स) र साउन २ गते ब्रेक सुबाट गरिएको सुत तस्करीलगायतका अन्य तस्करीजन्य विषयमा तथ्यगत जानकारी र सुझावका लागि सञ्चारमाध्यमबाट सूचना प्रकाशन गर्ने जानकारी दिएको छ ।
त्यसैगरी सुन तस्करीको पूर्ण नियन्त्रण गर्न विद्यामान कानूनमा गर्नुपर्ने परिमार्जन र संरचनात्मक सुधार, यसअघिका तस्करीको छानबिन तथा अध्ययन र निष्कर्ष तथा प्रभाव, तस्करीमा संलग्न व्यक्तिहरूको संलग्नता र थप अनुसन्धानलगायतमा विषयमा पनि अध्ययन गर्ने पत्रकार सम्मेलनमा जानकारी गराइयो ।
