काठमाडौं । ऊर्जा, जलस्रोत तथा सिँचाइमन्त्री टोपबहादुर रायमाझीलाई कोरोना संक्रमण पुष्टि भएको छ । मन्त्री रायमाझीलाई हाल वीरेन्द्र सैनिक अस्पताल छाउनीमा भर्ना गरिएको छ । मन्त्रीसँगै उनको परिवारका केही सदस्यलाई पनि कोरोना पुष्टि भएको जनाईएको छ ।
मन्त्री रायमाझीका परिवार र सचिवालयका केही सदस्यले स्वाबको नमुना परीक्षणका लागि दिएकोमा उनलाई सोमबार कोरोना पुष्टि भएको हो ।
केही दिनअघि मात्रै मन्त्री रायमाझी गृह जिल्ला अर्घाखाँचीमा आयोजित एक कार्यक्रममा सहभागी भएर काठमाडौं फर्किएका थिए।
