काठमाडौं । नेकपा एमालेका सचेतक महेश बर्तौलाले पार्टी उपाध्यक्ष सुवासचन्द्र नेम्वाङको निधनसँगै ‘मियो ढलेको’ बताउनुभएको छ ।
संविधानसभाका अध्यक्षसमेत रहनुभएका नेम्वाङको निधनबाट अभिभावक गुमाएको बताउनुभयो ।
सामाजिक सञ्जालमा सचेतक बर्तौलाले लेख्नुभएको छ, ‘आज हाम्रो मियो ढल्यो । अभिभावक गुमायौं । कहिल्यै बिर्सने छैनौं । आदरणीय नेता सुवास नेम्वाङ ज्यु ।’
हृदयाघातका कारण नेम्वाङको गएराति निधन भएको छ । नेम्वाङको पार्थिव शरीर हाल त्रिवि शिक्षण अस्पताल महाराजगञ्जमा राखिएको छ । शीर्षनेताहरु अस्पताल पुग्ने क्रम जारी छ ।
