विराटनगर । कोशी प्रदेशमा आजै मन्त्रिपरिषद् विस्तार हुने भएको छ ।
बिहीबार सर्वोच्च अदालतले संविधानको धारा १६८(३)अन्तर्गत हिक्मत कार्कीलाई मुख्यमन्त्री नियुक्त गर्न परमादेश दिएसङै आजै ३ मन्त्री र १ राज्यमन्त्री सहित मन्त्रिपरिषद् विस्तार गरिने भएको हो ।
मुख्यमन्त्री कार्कीले तिलकुमार मेन्याङ्वो, एकराज कार्की र पाँचकर्ण राईलाई मन्त्री नियुक्ति गरेका हुन् । मेन्याङ्वो ताप्लेजुङ, कार्की झापा र राई खोटाङ्बाट विजयी भएका हुन् ।
स्रोतका अनुसार एमालेबाट मेन्याङ्वो उर्जा, राई वन र कार्की भौतिक पूर्वाधार मन्त्री बन्ने भएका छन् । यस्तै, सृजना राई सामाजिक विकास राज्यमन्त्री बन्ने भएकी छन् ।
अहिले सपथ ग्रहणको तयारी भइरहेको छ ।
