काठमाडौँ । प्रतिनिधिसभाको बिहीबारको बैठकमा जनमत पार्टीले चिनियाँ राजदूत छेन सोङलाई फिर्ता पठाउन माग गरेको छ ।
पार्टीका तर्फबाट उपाध्यक्ष अब्दुल खानले बैठकमा विशेष समयमा बोल्दै नेपाल र भारतको सम्बन्धमा बोल्ने अधिकार चिनिया राजदूतलाई नभएको उनले बताउनुभयो । उहाँले चिनिया राजदूतसँग स्पष्टीकरण समेत लिनुपर्ने बताउनुभयो ।
“नेपाल र भारतको सम्बन्धमा विषवमन गर्ने, वैमनुष्यता लगाउने काम गर्न खोजिएको छ । यो घोर निन्दनीय छ”, उपाध्यक्ष खानले भन्नुभयो, “यदि नेपाल स्वतन्त्र राष्ट्र हो भने उक्त राजदुतलाई तुरुन्त परराष्ट्र मन्त्रालयले स्पष्टीकरण लिनुपर्छ र तत्काल नेपालबाट फिर्ता पठाउनुपर्छ भन्ने माग जोडदार रुपमा गर्दछु ।
