काठमाडौँ । नेपाली राष्ट्रिय टीमका स्पिनर सन्दीप लामिछानेविरुद्धको मुद्दा न्यायाधीश शकुन्तला कार्कीको इजलासमा परेको छ । काठमाडौँ जिल्ला अदालतका न्यायाधीश कार्कीको इजलासमा परेको उक्त मुद्दाको तीन नम्बरमा पेसी तोकिएको छ ।
आजलाई सन्दीपमा मुद्दामा अन्तिम सुनुवाइ हुने भनिए पनि तीन नम्बरमा परेकोले आज पनि सुनुवाइ हुने सम्भावना न्यून छ ।
यसअघि भदौ १० गतेलाई अन्तिम सुनुवाइ भनिए पनि हेर्न नभ्याइनेमा परेको थियो । भदौ १० गतेको पेशीमा न्यायाधीश प्रकाशप्रसाद पण्डितको इजलासमा परेको उक्त मुद्दा हेर्न नभ्याउनेमा परेपछि भदौ २१ गतेका लागि पेसी तोकिएको थियो ।
२१ गतेका लागि पेसी तोकिएपछि सन्दीप भदौ ११ गते एसिया कप खेल्न पाकिस्तान गएका थिए ।
