काठमाडौँ । राष्ट्रिय क्रिकेट टोलीका ओपनर आसिफ शेखले भारतीय क्रिकेटर विराट कोहलीले मेडल लगाईदिदै गर्दा क्याच छोडेकामा आफुले पनि एउटा पाउनुपर्ने बताएका उल्लेख गरेका छन् ।
एसिया कप खेलेर स्वदेश फर्किएपछि सञ्चारकर्मीहरुसँग कुराकानि गर्दै आसिफले उक्त कुरा बताएका हुन् । ह्याप्पी ड्रेसिङ रुम अन्तर्गत भारतको ड्रेसिङ रुपमा नेपाल खेलाडी गएका थिए । भारतीय खेलाडी कोहलीले आसिफलाई मेडल लगाइदिएका थिए ।
कोहलीले मेडल लगाइदिने बेला आसिफलाई केहि भन्दै जिस्काएका थिए । पछाडि बसेका सूर्यकुमार यादव पनि कोहलीको कुरामा सहमत जनाउदै हात मिलाउदै हासेका थिए । उक्त प्रंसग बारे आसिफले भने ‘कोहलीबाट मेडल लगाउँदा निकै गर्व लागेको थियो । उहाँले अन्त्यमा एउटा मेडल मलाई पनि दिनु पर्यो, क्याच छोडेकोमा भन्नु भएको थियो।’
आसिफलाई कोहलीले ब्यक्तिगत एक रनमा एक्स्ट्रा कभरमा जीवनदान दिएका थिए । कोहलीको जीवनदानपछि आसिफले ९७ बलमा ८ चौकासहित सर्वाधिक ५८ रन बनाएका थिए । पछि उनी मोहम्मद शिराजको बलमा कोहलीबाटै आउट भएका थिए ।
मुख्य प्रशिक्षक मोन्टी देशाईको पहलमा नेपाली टोली भारतीय ड्रेसिङ रुममा पुगेका थियो । नेपाली खेलाडीले भारतीय स्टारसँग कुराकानी गर्नुको साथै अटोग्राफ समेत लिएका थिए । ‘हामीलाई त्यो सरप्राइज जस्तो थियो। खेलपछि हेन्ड सेक गर्ने, बिदा हुने जस्तो लागेको थियो’, आसिफले भने ।
