काठमाडौं । नेपाली कांग्रेसका नेता डा शेखर कोइरालाले लोकतन्त्रमा प्रधानमन्त्री नै सर्वेसर्वा हुने हुँदा नेपाली कांग्रेसले नेतृत्व लिन सक्ने हो कि होइन भनी प्रश्न गर्नुभएको छ ।
सरकारले ९ वटा मन्त्रालय लिएपछि प्रधानमन्त्री नै सर्वेसर्वा भएको बताएका छन् ।
नेपाल निजामती कर्मचारी युनियनको कार्यक्रममा उहाँले सरकारमा कांग्रेसले ९ वटा मन्त्रालय लिए पनि प्रधानमन्त्री पुष्पकमल दाहाल प्रचण्ड नै सर्वेसर्वा भएको बताउनुभयो ।
सरकारको नेतृत्व आफूहरुले लिन सकेमात्र जनतामा विश्वास दिलाउन सकिने उहाँको भनाइ थियो ।
“अहिले ९ वटा मन्त्रालय हाम्रो छ ९० जना सांसद छौँ। तर, गर्भमेन्ट हाम्रो हो कि होइन भन्ने आम नेपाली जनतालाई फिल भइरहेको छ। पार्लमेन्ट्री सिस्टम र डेमोक्रेसीमा जसले जे भनेपनि। सभापति यहीँ हुनुहुन्छ। प्रधानमन्त्रीसँग कुरा भइरहेकै होला। जतिसुकै भनेपछि प्रधानमन्त्री नै सर्वेसर्वा हो। त्यो पनि एउटा कारण होला”, उहाँले भन्नुभयो, “प्रधानमन्त्रीले भनेको कुरा मन्त्रीज्यूहरुले काट्न नमिल्ने, त्यो स्वाभाविक पनि हो। त्यस कारण अब हामीले नेतृत्व हामीले लिन सक्ने हो कि होइन। हामीले नेतृत्व लिने हो भने कांग्रेसको वर्चस्व हुन्छ। जनतालाई पनि विश्वस्त पार्न सकिन्छ।”
