काठमाडौँ । वीरगञ्ज महानगरपालिकाले सोमबार हुने नेपाल र भारतबीचको क्रिकेट प्रतियोगिता हेर्नका लागि दिउँसो २ बजेपछि पालिकाभरका सम्पूर्ण विद्यालयका पठनपाठन स्थगित गरेको छ ।
महानगरपालिकाले एक सूचना जारी गर्दै विद्यार्थीहरुमा क्रिकेट खेलप्रतिको उत्साह र भावना अभिवृद्धि गर्न तथा एसिया कपमा नेपाल सहभागी भई गौरवान्वित महसुस गरेकाले नेपाल टिमको हौसला बढाउन दिउँसो २ बजेपछि विद्यालय बन्द गरिएको जनाएको छ ।
एसिया क्रिकेट कप २०२३ अन्तर्गत सोमबार श्रीलंकाको पल्लेकेलेमा नेपाल र भारतबीच खेल हुँदैछ ।
