प्रधानमन्त्री र एकजना पनि मन्त्री बैठकमा नदेखिनु सदनको अपमान हो – सूर्य थापा

काठमाडौं । नेकपा एमालेका सांसद सूर्य थापाले सरकार हराएको टिप्पणी गरेका छन् । बिहिबार बसेको प्रतिनिधिसभाको बैठकमा बोल्दै थापाले सभामा प्रधानमन्त्री र एकजना पनि मन्त्री उपस्थित नभएपछि आपत्ति जनाए ।

मन्त्रीहरु बेगर सदन अगाडि बढ्न नसक्ने भन्दै उनले भने, ‘प्रधानमन्त्री र एक जना पनि मन्त्री बैठकमा नदेखिनु यो सदनको अपमान हो । सभामुख महोदय सरकारको खोजी गरिपाऊँ ।’

थापाले आपत्ति जनाउँदै गर्दा सरकारकी प्रवक्तासमेत रहेकी सञ्चारमन्त्री रेखा शर्मा आइपुगेकी थिइन् । त्यसपछि सभामुखले मन्त्रीज्यू आईपुग्नुभयो भन्दै कार्यसूचीअनुसार बैठक अघि बढ्ने बताए ।