काठमाडौं । चार नेता माथी गरिएका अनुशासनको कारबाही फिर्ता भएपछि नेकपा एमालेका अध्यक्ष केपी शर्मा ओली र बरिष्ठ नेता माधवकुमार नेपाल बीच टेलिफोन सम्वाद भएको छ । बिहान अर्थमन्त्री तथा पार्टी उपमहासचिब बिष्णु पौडेलसंग छलफल गर्नुभएका नेता नेपालले प्रधानमन्त्री ओलीसंग केही समय पछि छलफल गर्न लाग्नु भएको हो ।
आफू निकट सांसदहरुको राजीनामाको बिषयलाई लिएरु चेपमा पर्नुभएका नेता नेपाललाई यूवा नेता तथा कानूनव्यबसाहीहरुले समेत राजीनामा नगर्न सुझाब दिएपछि नयाँ राणनीति सहित अध्यक्ष ओली संग छलफल गर्न लाग्नु भएको हो ।
गत बेशाख १६ गते माधब नेपाल र भीम रावल तथा २० गते धनश्याम भुषाल र सुरेन्द्र पाण्डेलाई पार्टीबाट ६ महिनासम्म निलम्बन गरिएको थियो । यस अघि आज बसेको स्थायी समितिको बैठकले पार्टी र सरकार सम्बन्धी सबै निर्णय गर्ने अधिकार पार्टी अध्यक्ष केपी ओलीलाई दिएको थियो ।
