काठमाडौं । नेपाली कांग्रेसका प्रवक्ता तथा अर्थमन्त्री डा. प्रकाशशरण महतले अहिलेको सत्ता समीकरण फेरिने कुनै सम्भावना नरहेको दाबी गरेका छन् ।
संसदीय दलको बैठकपछि सञ्चारकर्मीसँग कुरा गर्दै महतले सत्तामा नहुँदाको अवस्थालाई स्वीकार गर्न नसकिने बताएका हुन् ।
महतले एमालेले संसदलाई बन्धक बनाएको आरोप लगाउदै भने, उहाँहरूले सत्ताबाहिर भएपछि सदन रोक्नुभएको छ। सदन चल्न दिनुपर्छ विषयवस्तु त्यहीँ आउँछन् । सबैले आफ्नो कुरापछि निष्कर्ष निस्किन्छ ।’
कांग्रेसका नेताहरु पक्राउ परेकाबारे महतले सरकार पूर्वाग्रही नहुने जिकिर गरेका छन् । उनले दोषी जो जस्तो भएपनि कानूनी कठघरमा आउनुपर्ने बताउदै भने, ‘सरकार पूर्वाग्राही हुँदैन । हुनु पनि हुँदैन । प्रतिशोधको हिसाबले कुनै काम गर्नु हुँदैन । देश र जनतामाथि बफादार भएर काम गर्नुपर्छ । दोषी कानूनको कठघरामा आउनुपर्छ । अनुसन्धान भइरहेकाले त्यसको स्रोतसम्म पुग्नुपर्छ।’
