काठमाडौं । संस्कृति, पर्यटन तथा नागरिक उड्ययनमन्त्री सुदन किरातीले आफू मन्त्रीबाट फिर्ता हुन तयार रहेको बताएका छन् ।
प्रधानमन्त्री पुष्पकमल दाहाल ‘प्रचण्ड’ ले जनमतलाई सरकारमा प्रवेश गराएर किरातीसहितका माओवादी मन्त्रीलाई फिर्ता बोलाएर मन्त्रिपरिषद् हेरफेर गर्न लागेपछि किरातीले यस्तो प्रतिक्रिया दिएका हुन् ।
उनले अध्यक्ष प्रचण्डलाई परेको बाध्यतामा आफू सहयोग गर्न तयार रहेको बताए । ‘जनमतको निर्देशन अनुरुप सबैलाई मिलाएर लैजाने सन्दर्भमा म मन्त्रीबाट फिर्ता हुन तयार छु’, उनले भने, ‘मिलाउने भनेको २ अंकको केन्द्रीय समिति बनाउ तर म सहितको हुनुपर्छ भन्ने मेरो शर्त होइन । अध्यक्ष कमरेडलाई बाध्यता छ हामी उहाँलाई सहयोग गर्न तयार छौं ।’
असार अन्तिम साता सत्तागठबन्धनबिच जनमतलाई माओवादीको कोटामा सरकारमा ल्याउने सहमति भएको थियो । सोहिअनुरुप जनमतले पर्यटनमन्त्रालयमा दाबी गरेको बताईएको छ ।
