विराटनगर । कोशी प्रदेश सरकारमा जनता समाजवादी पार्टी (जसपा) सहभागी हुने भएको छ ।
मुख्यमन्त्री उद्धव थापाले प्रदेशको नामकरणलाई लिएर आन्दोलनरत पहिचान पक्षधरसँग वार्ता गर्ने प्रतिवद्धता जनाएपछि जसपा सरकारमा सहभागी हुने तयार भएको हो ।
मुख्यमन्त्री थापाका अनुसार जसपाका एक्ला प्रदेशसभा सदस्य निर्मला लिम्बुलाई मन्त्री नियुक्त गर्न लागिएको छ । लिम्बुलाई स्वास्थ्य मन्त्रालय जिम्मा दिने तयारी छ । लिम्बुको सपथ दिउँसो ३ बजेका लागि तय गरिएको छ ।
