एजेन्सी । भारतमा कोरोना भाइरसको दोस्रो लहर र महाराष्ट्रामा जारी लकडाउनका कारण आलिया भट्ट अभिनित गंगुवाई काठियावाडीका निर्माण टीमले हरेक दिन ३ लाखको घाटा ब्यहोर्दै आएको खबर बाहिर आएको छ ।
फिल्मको ३ दिनको शुटिंगमात्र बाँकी रहेको छ । जुन आलिया भट्टलाई देखाइने एक गीतको ब्याकग्राउन्डको हिस्सामात्र रहेको छ । रिपोर्ट अनुसार फिल्मसिटीमा सेट तबसम्म राखिरहनुपर्छ जबसम्म फिल्मको बाँकी सुटिंग पूरा हुँदैन ।
उक्त सेटलाई कायम राख्न निर्माता सञ्जय लीला भन्साली र जयंतीलाल गडाले हरेक दिन लगभग ३ लाख खर्च गरिरहेका छन् ।
उक्त सेट फेरी निर्माण गर्नका लागि अझ बढी रकम लाग्ने भएकाले निर्माण टिम यो खर्च ब्यहोर्न तयार छन् ।
